Ahmedabad Plane Crash:✒️আহমেদাবাদৰ বিমান দুৰ্ঘটনাৰ প্ৰাথমিক প্ৰতিবেদনত কোৱা হৈছে যে ইন্ধন নিয়ন্ত্ৰণ চুইচত দোষ আছিল। প্ৰাৰম্ভিক প্ৰতিবেদনত কোৱা হৈছে যে দুৰ্ঘটনাৰ ঠিক আগতেই ইন্ধনৰ চুইচটো ‘ৰাণ’ৰ পৰা ‘কাটঅফ’ অৱস্থালৈ যায়। সেই কাৰণেই দুৰ্ঘটনা সংঘটিত হয়। এই ক্ষেত্ৰত এতিয়া ইন্ধন নিয়ন্ত্ৰণ চুইচৰ ভূমিকাক লৈ প্ৰশ্ন উত্থাপন হৈছে।
তাৎপৰ্যপূৰ্ণভাৱে এই ইন্ধন নিয়ন্ত্ৰণ চুইচটোৰ সন্দৰ্ভত ইয়াৰ পূৰ্বেও প্ৰশ্ন উত্থাপন হৈছে। পূৰ্বতে এই প্ৰশ্ন আমেৰিকাত উত্থাপন হৈছিল।
আমেৰিকাৰ ফেডাৰেল এভিয়েশন এডমিনিষ্ট্ৰেচনে ২০১৮ চনত বয়িং ৭৩৭ বিমানৰ ইন্ধন নিয়ন্ত্ৰণ চুইচ সম্পৰ্কে সকীয়াই দিছিল।
সাত বছৰ পূৰ্বে এফ এফ এয়ে প্ৰকাশ কৰিছিল যে কিছুমান বয়িং ৭৩৭ বিমানৰ ইন্ধন নিয়ন্ত্ৰণ চুইচত নিষ্ক্ৰিয় অৱস্থাত ‘লকিং ফিচাৰ’ ইনষ্টল কৰা হৈছিল, যিটো বিপদজনক হ’ব পাৰে। অৱশ্যে সেই সময়ত এফ এফ এয়ে কেৱল উদ্বেগ প্ৰকাশ কৰিছিল।
সেই ইন্ধন নিয়ন্ত্ৰণ চুইচবোৰক ‘অসুৰক্ষিত’ বুলি ঘোষণা কৰা হোৱা নাছিল। ফলত কোনো ব্যৱস্থা লোৱা নহ’ল। চুইচৰ একে ডিজাইন ব্যৱহাৰ কৰা হয়। এই ক্ষেত্ৰত স্বাভাৱিকতে প্ৰশ্ন উত্থাপন হয় যে চুইচটোতে ত্ৰুটি আছে নেকি?
উল্লেখ্য যে,বিমান দুৰ্ঘটনা তদন্ত ব্যুৰোৰ ১৫ পৃষ্ঠাৰ এক প্ৰতিবেদনত দুৰ্ঘটনাৰ আগৰ মুহূৰ্তত দুয়োজন পাইলটৰ মাজত হোৱা কথোপকথন পোহৰলৈ আহিছে।
বিমানখনৰ ককপিট ভইচ ৰেকৰ্ডাৰত পাইলটসকলৰ চূড়ান্ত কথা-বতৰা ৰেকৰ্ড কৰা হৈছে।