Delhi:✒️বিৰোধীৰ নিৰ্বাচন আয়োগক ঘেৰাও অভিযানক কেন্দ্ৰ কৰি ৰণক্ষেত্ৰ দিল্লী। তীব্ৰ যুঁজত অসুস্থ হৈ পৰে কৃষ্ণনগৰ তৃণমূলৰ সাংসদ মহুৱা মইত্ৰ আৰু আৰামবাঘৰ সাংসদ মিতালী বাগ ।
ইফালে ৰাহুল গান্ধী, প্ৰিয়ংকা গান্ধী, মল্লিকাৰ্জুন খাৰ্গেকে ধৰি এশৰো অধিক সাংসদক দিল্লী আৰক্ষীয়ে গ্ৰেপ্তাৰ কৰি বাছত উঠাই লৈ গৈছে।
নিৰ্বাচনী তালিকাত বিশেষ তীব্ৰ সংশোধন (SIR)ৰ নামত ‘ভোটিং চুৰি’ৰ অভিযোগক লৈ উত্তাল দিল্লী। সোমবাৰে পুৱা ১১:৩০ বজাৰ পৰা ভাৰত মিত্ৰজোঁটৰ সাংসদসকলে সংসদ ভৱনৰ পৰা প্ৰতিবাদী সমদল আৰম্ভ কৰে। লক্ষ্য আছিল নিৰ্বাচন আয়োগৰ কাৰ্যালয় ঘেৰাও কৰা।
পৰিস্থিতি নিয়ন্ত্ৰণৰ বাহিৰ হ’ব পাৰে বুলি অনুমান কৰি আয়োগে বিৰোধী শিবিৰলৈ এখন পত্ৰ প্ৰেৰণ কৰি এই বিষয়ত আয়োগ আলোচনা কৰিবলৈ সাজু বুলি জনায়।
সেই ক্ষেত্ৰত ৩০ জন প্ৰতিনিধিৰ নাম প্ৰেৰণ কৰিবলৈ কোৱা হৈছিল। সময় দিয়া হ’ল দুপৰীয়া ১২ বজাত।ইফালে দিল্লী আৰক্ষীয়ে বিৰোধী সাংসদক শোভাযাত্ৰা উলিয়াই নিয়াৰ অনুমতি নিদিলে।
এনে অৱস্থাত শোভাযাত্ৰা সংসদ ভৱনৰ পৰা ওলাই যায়। আৰক্ষীয়ে অৱৰোধ কৰাত তেওঁলোকে ৰাস্তা বহে । লোকসভাৰ বিৰোধী দলপতি ৰাহুল গান্ধী আৰু কংগ্ৰেছৰ সাংসদ প্ৰিয়ংকা গান্ধীও উপস্থিত থাকে।
আনহাতে, মহুৱা আৰু সুষমিতাকে ধৰি তৃণমূলৰ সাংসদসকলে শাৰী পিন্ধিয়ে বেৰিকেডৰ ওপৰত উঠে ।
বেৰিকেড অতিক্ৰম কৰিলে এছ পিৰ সাংসদ অখিলেশ যাদৱ আৰু ভূপেন্দ্ৰ যাদৱে। তেওঁলোকক কোনোমতে বেৰিকেডৰ সিটো পাৰে পঠিওৱা হ’ল। শোভাযাত্ৰাৰ পৰাই শ্লোগান উত্থাপন কৰা হয়, ‘Gali gali me shor hai, Narendra Modi Chor Hai’ ।
দীৰ্ঘসময় প্ৰতিবাদী কাৰ্যসূচীৰ অন্তত ৰাহুল গান্ধীকে ধৰি বহু সাংসদক দিল্লী আৰক্ষীয়ে গ্ৰেপ্তাৰ কৰে। পাৰ্লিয়ামেণ্ট ষ্ট্ৰীট আৰক্ষী থানালৈ লৈ যোৱা হয়।
ইফালে, বাছত উঠি অসুস্থ হৈ পৰে তৃণমূলৰ সাংসদ মহুৱা মৈত্ৰ। ইফালে আৰামবাগৰ পৰা তৃণমূলৰ সাংসদ মিতালী বাগৰো অসুস্থ হৈ পৰে।
এই ঘটনা সন্দৰ্ভত কংগ্ৰেছৰ সাংসদ ৰাহুল গান্ধীয়ে কয়, “মুখ লুকুৱাব বিচৰাৰ বাবেই তেওঁলোকে কথা ক’ব নিবিচাৰে। সত্য সমগ্ৰ দেশৰ সন্মুখত ওলাই আহিছে।”
এই যুঁজখন ৰাজনৈতিক নহয়, সংবিধান ৰক্ষাৰ যুঁজ। গতিকে আমি এটা শুদ্ধ ভোটাৰ তালিকা বিচাৰো।” আনফালে প্ৰিয়ংকাই কয়, ‘বিজেপিয়ে ভয় খাইছে। সেইবাবেই তেওঁলোকে পুলিচ ব্যৱহাৰ কৰি বিৰোধীক নীৰৱ কৰিবলৈ চেষ্টা কৰিছে।