FIR Filed Against Sayeda Hameed:
দিল্লীৰ বুদ্ধিজীৱী ছৈয়দা হামিদৰ বিৰুদ্ধে অৱশেষত থানাত দাখিল হ’ল এজাহাৰ ৷ বিশ্বজিৎ নাথ নামৰ সাংবাদিক গৰাকীয়ে বৃহস্পতিবাৰে হামিদৰ বিৰুদ্ধে বশিষ্ঠ থানাত দাখিল কৰে এখন এজাহাৰ ।
উল্লেখ্য যে, ৰাজ্যসভাৰ সদস্য অজিত কুমাৰ ভূঞা নেতৃত্বাধীন অসম নাগৰিক সমাজৰ আমন্ত্ৰণক্ৰমে গুৱাহাটীত অনুস্থিত এখন সভাত অংশ গ্ৰহণ কৰিছিল দেশৰ পৰিকল্পনা আয়োগৰ প্ৰাক্তন সদস্যা ছৈয়দা হামিদে ৷ অসমৰ উচ্ছেদক লৈ কেতবোৰ বিতৰ্কি মন্তব্য কৰিছিল হামিদে ৷ বৃহস্পতিবাৰে সাংবাদিক নাথে বশিষ্ঠ থানাত দাখিল কৰা এজাহাৰত হামিদৰ বিতৰ্কিত মন্তব্যই অসমৰ আইন -শৃংখলা পৰিস্থিতি অৱনতি ঘটাৰ আংশকাৰ কথা উল্লেখ কৰে ।
মনকৰিবলগীয়া যে ,বুধবাৰে অসম কেবিনেটৰ বৈঠকৰ অন্তত মুখ্যমন্ত্ৰী ড:হিমন্ত বিশ্ব শৰ্মাই এক সংবাদমেল সম্বোধন কৰাৰ সময়ত হামিদৰ বিতৰ্কিত মন্তব্যৰ বিৰুদ্ধে ৰাজ্য চৰকাৰে গোচৰ তৰিব নেকি সাংবাদিককে সোধা এক প্ৰশ্নোত্তৰত মুখ্যমন্ত্ৰীয়ে কয়, এনে ধৰণৰ মন্তব্য সমূহ দৰাচলতে জামিনযোগ্য হোৱা হেতুকে হামিদৰ বিৰুদ্ধে চৰকাৰে গোচৰ দিয়াৰ বাবে ইচ্ছুক নহয় ৷অৱশ্যে আছু – বিজেপি আন আন সংগঠন বা কোনো ব্যক্তিয়ে এজাহাৰ দিলে ৷ সেই গোচৰ ৰজু কৰি ব্যৱস্থা গ্ৰহণ কৰিব আৰক্ষীয়ে ৷
ADVERTISEMENT