Imposition Of US Tariffs;ট্রাম্পৰ শুল্কবাণ: ছদিন ধৰি ভাৰতীয় টকাৰ মূল্যৰ পতন অব্যাহত

এই দেশসমূহলৈ বিভিন্ন সামগ্রী বিশেষকৈ বস্ত্ৰ ৰপ্তানি বৃদ্ধিৰ চেষ্টা চৰকাৰে চলাব বুলি সূত্রই সদৰী কৰিছে। উল্লেখ্য যে ৰাছিয়াৰ পৰা খাৰুৱা তেল ক্ৰয়ৰ বাবে ভাৰতক ‘ব্লেকমেইলিং’ৰ অপচেষ্টাত নামিছে ট্রাম্প। ট্রাম্পৰ অভিযোগ হ’ল যে ভাৰতে ৰাছিয়াৰ পৰা তেল ক্ৰয় কৰি দেশখনক ইউক্রেইনৰ স’তে যুদ্ধত লিপ্ত থাকিবলৈ সহায় কৰি আহিছে।

ইয়াৰ ‘পোটক’ তুলিবলৈ মার্কিন প্রশাসনে আজিৰ পৰা প্ৰযোজ্য হোৱাকৈ ভাৰতীয় সামগ্ৰীৰ ওপৰত শুল্ক ৫০ শতাংশলৈ বৃদ্ধি কৰিছে। আনহাতে, মার্কিন প্রশাসনে আৰোপ কৰা শুল্ক সম্পৰ্কত দেশৰ বৈদেশিক দপ্তৰৰ ৰাজ্যিক মন্ত্রী কীর্তি বর্ধন সিঙে কয়, ‘আমাৰ দেশৰ অর্থনীতি যাতে ক্ষতিগ্রস্ত নহয়, তাৰ প্ৰতি লক্ষ্য ৰাখি আমি যথোপযুক্ত পদক্ষেপ গ্রহণ কৰিম। মই নিশ্চিতি দিব বিচাৰিছো যে আমাৰ অৰ্থনীতিৰ শক্তিয়ে এই সময়ছোৱাৰ মাজেৰে আমাক আগবঢ়াই নিব। আমি লাভবান হোৱা দেশৰ পৰা শক্তি ক্ৰয় কৰি যাম।’