ISIS: ✒️ভাৰতীয় চোৰাংচোৱাই বিফল কৰিলে দেশৰ ধৰ্মীয় স্থানসমূহত কূটনৈতিক ষড়যন্ত্ৰৰ পৰিকল্পনা । এসপ্তাহৰ ভিতৰতে ভাৰতত সন্ত্ৰাসবাদী সংগঠন আইছিছৰ দুটা মডিউলৰ কাৰ্যকলাপ উদঙাই দিছে তদন্তকাৰীয়ে। উদ্ধাৰ কৰা হৈছে অস্ত্ৰ-শস্ত্ৰ আৰু বোমা নিৰ্মাণ সামগ্ৰীও ।
তদন্তকাৰী সংস্থাটোৰ সূত্ৰ অনুসৰি সেই মডিউলসমূহৰ স’তে ইছলামিক ষ্টেট (আই এছ) উগ্ৰপন্থী সংগঠনৰ স’তে ডিজিটেল সংযোগৰ প্ৰমাণ পোৱা গৈছে।
দিল্লী আৰক্ষীৰ বিশেষ কোষে ঝাৰখণ্ড, তেলেংগানা, বেংগালুৰু, মহাৰাষ্ট্ৰ আৰু মধ্যপ্ৰদেশত অভিযান চলাই প্ৰথমটো মডিউলটোৰ অনুসন্ধান লাভ কৰে।
মডিউলটোৰ স’তে জড়িত থকাৰ অভিযোগত আৰক্ষীয়ে গ্ৰেপ্তাৰ কৰিছে পাঁচজন যুৱক- আশ্বাৰ ডেনিছ, আফতাব কুৰেছি, চুফিয়ান খান, মহম্মদ হুজাইফ ইয়ামান আৰু কামৰাণ কুৰেশ্বীক।
তেওঁলোকৰ পৰা বহু সংখ্যক অস্ত্ৰ-শস্ত্ৰ উদ্ধাৰ কৰা হৈছে।তদন্তত প্ৰকাশ পাইছে যে মডিউলটোৰ উদ্দেশ্য আছিল কূটনৈতিক ষড়যন্ত্ৰ। উল্লেখ্য যে,কেবাটাও ধৰ্মীয় স্থানত আক্ৰমণৰ পৰিকল্পনা কৰা হৈছিল ।
পাছত তদন্তকাৰীয়ে আন এটা উগ্ৰপন্থী মডিউল উদ্ধাৰ কৰে।যিটো অন্ধ্ৰ প্ৰদেশৰ বিজয়নগৰত অৱস্থিত ।
শেহতীয়াকৈ ৰাষ্ট্ৰীয় তদন্ত সংস্থাই অন্ধ্ৰ প্ৰদেশ, তেলেংগানা, তামিলনাডু, ঝাৰখণ্ড, বিহাৰ, মহাৰাষ্ট্ৰ, উত্তৰ প্ৰদেশ আৰু দিল্লীত তদন্ত আৰম্ভ কৰিছে ।
অভিযানত অস্ত্ৰ-শস্ত্ৰ আৰু ৰাসায়নিক বোমা নিৰ্মাণ সামগ্ৰীৰ উপৰিও কেবাটাও ডিজিটেল যন্ত্ৰ আৰু নথি-পত্ৰও উদ্ধাৰ কৰা হয়।
ডিজিটেল ডিভাইচৰ পৰা লাভ কৰা তথ্যৰ ভিত্তিত চিৰাজ আৰু সমীৰ নামৰ দুজন অভিযুক্তক গ্ৰেপ্তাৰ কৰা হয়। অভিযোগ উত্থাপন হৈছে যে তেওঁলোকে ফেচবুক, ইনষ্টাগ্ৰামৰ দৰে ছ’চিয়েল মিডিয়া ব্যৱহাৰ কৰি নৱ প্ৰজন্মক উছটনি দিছে।
তথ্য অনুসৰি এই মডিউলবোৰ পাকিস্তানৰ পৰাই চলোৱা হৈছিল! তদন্তকাৰী সূত্ৰইও বিভিন্ন প্ৰমাণ লাভ কৰিছে ।