Siddhartha Sarma Residence:
ছিংগাপুৰত জুবিন গাৰ্গৰ ৰহস্যজনক মৃত্যুৰ বাবে দায়ী বুলি বিভিন্ন থানাত ৰজু হোৱা গোচৰৰ পিছতো মুল খলনায়ক শ্যামকানু মহন্ত আৰু জুবিনৰ মেনেজাৰ সিদ্ধাৰ্থ শৰ্মা আজিও আৰক্ষী জালত নপৰাত ক্ষুব্ধ হৈ পৰিছে জুবিন অনুৰাগী সকল ৷
আজি ক্ষোভৰ বহিঃপ্ৰকাশ ঘটে আবেলি ৷ চিআইডিৰ এছআইটি টিমে সিদ্ধাৰ্থ শৰ্মাৰ মহানগৰীৰ ধীৰেন পাৰাৰ দাতালপাৰাৰ মানপাৰাৰ ফ্লেটত তালাচী চলাই থকা অৱস্থাতে সিদ্ধাৰ্থ শৰ্মাৰ বাসগৃহৰ সন্মুখত উত্তপ্ত পৰিস্থিতিৰ সৃষ্টি হয় ৷ এপাৰ্টমেণ্টটোৰ গেইটৰ বাহিৰত সমবেত হোৱা সহস্ৰাধিক জুবিন অনুৰাগীয়ে গেইট ভাঙি ভিতৰত প্ৰৱেশৰ বাবে চেষ্টা কৰে ৷তেওঁলোকৰ দাবী কিয় আজিলৈকে সিদ্ধাৰ্থ শৰ্মাক গ্ৰেপ্তাৰ কৰিব পৰা নাই ৷
আনহাতে জুবিন অনুৰাগীৰ এটা দলে গড়চুক থানাৰ সন্মুখতো উত্তপ্ত পৰিস্থিতিৰ সৃষ্টি কৰে ৷ প্ৰতিবাদকাৰী সকলে পৰিবেশ বেয়াৰ ফালে ঢাল খোৱাত পৰিস্থিতি নিয়ন্ত্ৰণৰ বাবে আৰক্ষীয়ে মৃদু লাঠিচাৰ্জ কৰিবলগীয়া হয় ৷
ইতিমধ্যে পৰিস্থিতি নিয়ন্ত্ৰণৰ বাবে চিআৰপিএফৰ অতিৰিক্ত বাহিনী গড়চুক আৰু দতাঁলপাৰাত মোতায়েন কৰা হৈছে ৷বৰ্তমানেই চেপা উত্তেজনা অব্যাহত আছে গড়চুকত ৷ উল্লেখ্য যে সিদ্ধাৰ্থ শৰ্মাৰ ফ্লেটটোত বৰ্তমান আছে তেওঁৰ মাতৃ আৰু ভগ্নী ৷