Prominent actor-director Arup Barthakur passes away: বিশিষ্ট অভিনেতা-পৰিচালক অৰূপ বৰঠাকুৰৰ পৰলোকপ্ৰাপ্তি

ৰাজ্যৰ বিশিষ্ট অভিনেতা-পৰিচালক অৰূপ বৰঠাকুৰৰ(৬৯) দেহাৱসান ৷ দীৰ্ঘদিন ধৰি জটিল ৰোগত আক্ৰান্ত হৈ থকা অভিনেতা-পৰিচালক গৰাকী মহানগৰীৰ কাহিলিপাৰাৰ জটিয়াস্থিত বাসগৃহ হঠাতে অসুস্থ হৈ পৰাত পৰিয়ালৰ লোকে ততাতৈয়াকৈ হায়াত হাস্পতালত ভৰ্তি কৰে যদিও চিকিৎসাধীন অৱস্থাতে নিশা প্রায় ১০.৩০ বজাত শেষ নিশ্বাস ত্যাগ কৰে ৷

অনাঁতাৰ আৰু দূৰদৰ্শনৰৰ তথ্য চিত্ৰ আৰু নাট পৰিচালনৰ স’তে জড়িত থকা বৰঠাকুৰৰে প্ৰায় শতাধিক নাট পৰিচালনা কৰিছিল ৷ নতুন আশা ‘চলচিত্ৰ খনৰ বাবে ৰজত কমল ৰাষ্ট্ৰীয় বঁটাৰে সন্মানিত হোৱাৰ উপৰিও ৰাজ্য চৰকাৰৰ শিল্পী বঁটা তথা বিভিন্ন সন্মানেৰে সন্মানিত প্ৰয়াত পৰিচালক গৰাকী ৷

ধোৱা’নামৰ চিনেমা এখন নিৰ্মাণৰ কাম আৰম্ভ কৰিছিল যদিও সম্পূন কৰিব নোৱাৰি৷ প্ৰয়াত অভিনেতা-পৰিচালক গৰাকীৰ মৃত্যুত গভীৰ শোকৰ ছাঁ পৰে অসমৰ চলচ্চিত্ৰ জগতত ৷ তেওঁৰ মৃত্যুৰ খবৰ পোৱাৰ লগে লগে তেওঁৰ অনুৰাগী সকল কাহিলি পাৰাস্থ বাসগৃহ ত উপস্থিত হৈ গভীৰ শ্ৰদ্ধাঞ্জলী জ্ঞাপন কৰে ৷