UPPL :✒️ইউপিপিএলৰ মুৰব্বী প্রমোদ বড়োৰ ৰাজ্যসভা যাত্রাই দলৰ অভ্যন্তৰত মিশ্রিত প্রতিক্ৰিয়াৰ সৃষ্টি কৰিছে। অনাগত দিনত ইউপিপিএলৰ ভৱিষ্যতক লৈও শংকিত হৈছে দলৰে একাংশ নেতা। বিটিচিত ইউপিপিএলৰ শক্তি হ্রাস কৰাৰ চেষ্টা চলিছে বুলিও এক চর্চা আৰম্ভ হৈছে।
সূত্ৰত প্রকাশ যে বড়োৱে এনডিএৰ প্রার্থীৰূপে ৰাজ্যসভা নির্বাচনত মনোনয়ন দাখিলৰ ফলত দলটো সংকুচিত হ’ব বুলি আশংকা প্রকাশ কৰে দলৰ জ্যেষ্ঠ নেতাই। ক্রমশঃ দলটো গুৰুত্বহীন হৈ পৰিব নেকি বুলিও প্রশ্ন উত্থাপন হৈছে। দিছপুৰৰ পৰা বিটিচিলৈ ব্যাপ্ত এনে এক চর্চা অনুসৰি অনাগত কিছু বছৰ দলটোৰ শক্তি আৰু পৰিসৰ সংকুচিত হৈয়ে থাকিব।
বিটিচিত এক দীঘলীয়া সংগ্ৰামৰ আঁত ধৰি জন্ম লাভ কৰা ইউপিপিএল অনাগত দিনত বিজেপিৰ আগ্রাসী ৰাজনীতিৰ চাকনৈয়াত পৰি গুৰুত্বহীন হৈ পৰিব বুলি আশংকা প্রকাশ কৰে দলৰ জ্যেষ্ঠ সূত্রই। অৱশ্যে এই সময় কিমান দীঘলীয়া হ’ব সেই সম্পর্কে কোনো ধাৰণা কৰিব পৰা নাই এইসকলে।
দলটোৰ একাধিক জ্যেষ্ঠ নেতা-কর্মীৰ ভাষ্যতে স্পষ্ট হৈছে যে সম্প্রতি ক্ষমতাৰ ৰাজনীতিত ধূসৰ হৈছে নীতি-আদৰ্শৰ ৰাজনীতি।
ৰাজ্যসভালৈ দুজনকৈ সাংসদ উপহাৰ দি ইউপিপিএলে সংসদীয় ৰাজনীতিত মোহৰ লগোৱাই নহয়, ক্ষমতাসীনৰ সংগী হৈ থকাৰ লোভএৰিব পৰা নাই। ইয়াৰ ফলত প্রকৃতার্থত তৃণমূলত কিমান সবল আৰু সফল হৈ থাকিব সেয়া সময়ে ক’ব যদিও এই কথা স্পষ্ট হৈছে যে ডাঙৰ মাছে গিলি পেলোৱাৰ দৰে অৱস্থা হ’ব পাৰে বুলি শংকা নিশ্চিতভাবে আছে।
দলৰ একাংশ জ্যেষ্ঠ নেতাই কয় যে আজিৰ ক্ষমতা সর্বস্ব ৰাজনীতিত নিভাঁজ ৰাজনীতিকৰ অভাৱ হৈছে। এনে নেতাই কয়, ‘বহু সংগ্ৰামৰ মাজেৰে ইউপিপিএলৰ জন্ম হৈছে। বিপিএফৰ দুর্নীতি, বড়ো ভূমিত ক্ষমতাৰ বিকেন্দ্ৰীকৰণকে আদি কৰি বড়োসকলৰ ভাষিক-সাংস্কৃতিক ঐতিহ্য ৰক্ষণাবেক্ষণৰ যুঁজ দিয়াৰ বাবে ইউপিপিএলৰ বহু কৰিবলগীয়া আছে। সম্প্রতি যি ধৰণৰ ৰাজনৈতিক পৰিৱেশ গঢ় লৈছে তাত ধনেই সর্বস্ব হৈছে। ধনৰ অবিহনে ৰাজনীতি কৰাটোৱে যেন অবাস্তব বিষয়।’
উল্লেখ্য যে নিখিল বড়ো ছাত্র সন্থা (এবছু)ৰ সভাপতি পদ চম্ভালি ইউপিপিএল গঠনৰে প্রমোদ বড়োবে বিপিএফক প্রত্যাহ্বান জনাই বিটিচিত বিগত নির্বাচনত জয়ী হৈছিল যদিও দ্বিতীয়টো কার্যকাল লাভ নকৰিলে। পুনৰ বিপিএফে পূর্বতকৈ অধিক সবলভাবে বিটিচিৰ শাসনৰ বাঘজৰী লাভ কৰিলে। সূত্ৰত প্রকাশ যে দিছপুৰৰ ঘনিষ্ঠ মহলে বিটিচি প্রশাসনলৈ ধনৰ সৰবৰাহৰ পথ মসৃণ নহয়।
বিশেষকৈ কেন্দ্রত আৰু ৰাজ্যতো বিজেপিৰ ডবল ইঞ্জিন চৰকাৰ হোৱাৰ বাবে ৰাজ্যক গৰকি কেন্দ্রব পৰা সুচাৰুবরূপে ধন আদায় কৰাটো সম্ভৱপৰ হৈ নাথাকে। বিশেষকৈ মুখ্যমন্ত্রী হিমন্ত বিশ্ব শৰ্মাৰ দবে আগ্রাসী মুখ্যমন্ত্রীৰ ক্ষেত্রত সেয়া আৰু অবাস্তৱ হৈ পৰে বুলিও কয় ৰাজনৈতিক মহলে।
সেয়েহে এই পৰিস্থিতিত দিছপুৰৰ স’তে হাত মিলাই থাকিবলগীয়া হয় যদিও প্রকৃতার্থত কাগজে-কলমে বিটিএডিলৈ ধনব কেন্দ্রব পৰা পোনপটীয়া হস্তান্তর হ’ব লাগে। ডবল ইঞ্জিন চৰকাৰ থকা হেতু মুখ্যমন্ত্রী শর্মাই পূর্ণ ক্ষমতা খটুৱাই হাগ্রামা মহিলাৰী আৰু প্রমোদ বড়োক আঙুলিৰ ঠাৰত নচুৱাইছে বুলিও প্রশ্ন উঠিছে।
বিভিন্ন ৰাজনৈতিক মহলৰ চর্চা অনুসৰি বিগত পাঁচ বছৰ এনে বুজাবুজিৰ মাজেবে প্রশাসন চলাইছিল বড়োবে। ওপৰ মহলত কিবা ডীল অর্থাৎ বুজাবুজি হৈছিল বুলিও একাংশৰ মাজত চর্চা আছে। দিছপুৰৰ এই অদৃশ্য নিয়ন্ত্রণৰ বাবে বড়োবে এতিয়া বিচাৰক বা নিবিচাৰক দিল্লীলৈ যাবই লাগিব। এনে কথা প্রকাশ কৰি ইউপিপিএলৰ বাহিৰে-ভিতৰে ৰাজনৈতিক ভূ বৰখা মহলে কয় যে আগন্তুক কিমান বছৰ ইউপিপিএল সংকুচিত অথবা গুরুত্বহীন হৈ থাকিব লাগিব সেয়া সময়ে ক’ব। এনে চর্চা অনুসৰি বিজেপিৰ আন এটা মিত্রদল অগপও ক্ৰমশঃ সংকুচিত হ’বলৈ ধৰিছে আনহাতে, দলৰ এক সূত্রই কয় যে তেওঁলোকে যুঁজ দিব বিচাৰে।
আগন্তুক বিধানসভা নির্বাচনক লৈয়ো এই ক্ষেত্রত বিজেপিবে বুজাবুজি কি হ’ব সেয়া এতিয়া স্পষ্ট নহয়। এটা মহলে কয় যে প্রমোদ বড়োক ৰাজ্যসভালৈ প্রেৰণ কৰি কোনোবাই ইউপিপিএলৰ ভৱিষ্যৎ অন্ধকাৰৰ পৰিকল্পনা ৰচিছে নেকি বুলিও দলৰ ভিতৰতে চর্চা চলিছে। দলৰ মুৰব্বীৰ শক্তি হ্রাস কৰাৰ বাবে কৌশল বচনা কৰা বুলিও চর্চিত হৈছে। সম্প্রতি ইউপিপিএলৰ সাতজন বিধায়ক আছে। বিটিচিৰ ১৫ টা বিধানসভা সমষ্টিৰ ভিতৰত যদি বিজেপিৰে বুজাপৰাত এই সাতটা সমষ্টি লাভনকৰে তেন্তে নিজাববীয়াকৈ নির্বাচন খেলিব বুলি দলৰ সূত্রই হুংকাৰ দিয়ে।
