Moran:চুতীয়া জনগোষ্ঠীক জনজাতিকৰণৰ দাবীত মৰাণত সদৌ অসম চুতীয়া জাতি সন্মিলনৰ বিশাল সমদল

Moran:

অসমৰ চুতীয়া জনগোষ্ঠীক অনুসূচিত জনজাতিৰ (ST) মৰ্যদা প্ৰদানৰ দাবীত মৰাণত বিশাল জনসভা আৰু প্ৰতিবাদী সমদল ৷ সদৌ চুতীয়া জাতি সন্মিলন আৰু চুতীয়া জনগোষ্ঠীৰ কেওটা ভাতৃ-ভগ্নী সংগঠনৰ যৌথ উদ্যোগত এই প্ৰতিবাদী কাৰ্যসূচী ৷  ডিব্ৰুগড়, তিনিচুকীয়া, চৰাইদেউ, নাজিৰাৰ বিভিন্ন প্ৰান্তৰ পৰা অহা কেইবা সহস্ৰাধিক চুতীয়া জনগোষ্ঠীৰ লোকৰ এই প্ৰতিবাদী কাৰ্যসূচীত অংশগ্ৰহণ ৷

মৰাণৰ ঊষাপুৰ খেলপথাৰৰ জনসমাবেশৰ পাছতে মৰাণ নগৰৰ মাজেৰে বিশাল প্ৰতিবাদী সমদল বাহিৰ কৰে চুতীয়া জনগোষ্ঠীয় সংগঠনে I”চুতীয়া জনগোষ্ঠীক জনজাতিৰণ প্ৰদান কৰক”, “জনজাতিকৰণ আমাক লাগিবই”, “ন’ এচ টি ন’ ৰেষ্ট”, “অসম চৰকাৰ হুঁচিয়াৰ”, “বিজেপি গ’ বেক”, “কেন্দ্ৰীয় চৰকাৰ হুঁচিয়াৰ” আদি শ্ল’গানেৰে আকাশ- বতাহ মুখৰিত কৰি তোলে প্ৰতিবাদকাৰীয়ে।

২০২৬ চনৰ নিৰ্বাচনৰ পূৰ্বে চুতীয়া জনগোষ্ঠীক জনজাতিকৰণৰ মৰ্যদা প্ৰদান নকৰিলে জংগী আন্দোলনৰ হুংকাৰ চুতীয়া জাতিৰ বিভিন্ন সংগঠনৰ নেতৃবৃন্দৰ I চুতীয়া জনগোষ্ঠীৰ জনজাতিকৰণৰ বিৰুদ্ধে ট্ৰাইবেল সংঘৰ ভূমিকাক কঠোৰ ভাষাৰে গৰিহণা চুতীয়া জনগোষ্ঠীয় সংগঠন সমূহৰ ৷