Winter session of parliament:✒️শীতকালীন অধিৱেশনৰ প্ৰথম দিনাই স্থগিত ৰখা হ’ল অধিৱেশন।সোমবাৰে অধিৱেশনৰ আৰম্ভণিতে প্ৰশ্নোত্তৰ অধিৱেশন স্থগিত ৰাখি কংগ্ৰেছ আৰু তৃণমূল কংগ্ৰেছৰ বিৰোধী সাংসদসকলে এছ আই আৰ সন্দৰ্ভত আলোচনাৰ দাবী জনায়। ওলোটাই প্ৰতিবাদ শাসকীয় দলৰ সাংসদৰ বিচাৰপীঠৰ পৰা ।
অধ্যক্ষ ওম বিৰলাই এছ আই আৰ সন্দৰ্ভত আলোচনাৰ সুযোগ দিবলৈ ইচ্ছুক বুলি জনায়। কিন্তু যেতিয়া প্ৰশ্নোত্তৰ অধিবেশন স্থগিত ৰখাৰ দাবী মানি লোৱা নহ’ল, তেতিয়াই আৰম্ভ হ’ল শ্লোগান আৰু প্ৰতিশ্লোগান।
অৱশেষত অধ্যক্ষৰ নিৰ্দেশত অধিৱেশন দিনৰ ১২ বজালৈ স্থগিত ৰখা হয়।সোমবাৰৰ পৰা আৰম্ভ হৈছে সংসদৰ শীতকালীন অধিৱেশন।
এই অধিৱেশন চলিব ১৯ ডিচেম্বৰলৈকে।ছুটীৰ দিনসমূহ বাদ দিলে মুঠ ১৫ দিন চলিব এই অধিবেশন। সাধাৰণতে শীতকালীন অধিবেশন ২০ দিনলৈকে চলে। কংগ্ৰেছৰ লগতে আন বিৰোধী দলসমূহে এই বিষয়টো উত্থাপন কৰিছে।
সোমবাৰে অধিৱেশনত অংশ ল’বলৈ সংসদ ভৱনত প্ৰৱেশ কৰাৰ সময়তে প্ৰধানমন্ত্ৰী নৰেন্দ্ৰ মোদীয়ে বৈঠকত শান্তি বজাই ৰাখিবলৈ বিৰোধীক আবেদন জনায়। সংসদত আলোচনাৰ পৰিৱেশৰ বাবে আবেদন জনাই তেওঁ কয় যে, “নাটক কৰিবলৈ আৰু বহু ঠাইত আছে।ইয়াত (সংসদত) সেৱা প্ৰদান কৰাটো প্ৰয়োজন।” কিন্তু ইয়াৰ কিছু সময়ৰ ভিতৰতে এছ আই আৰ সন্দৰ্ভত আলোচনাৰ পৰিসৰ সংকুচিত কৰা হৈছে বুলি অভিযোগ উত্থাপন হয়। ফলত লোকসভাৰ অধিৱেশন আৰম্ভ হোৱাৰ ২০ মিনিট পাছতে স্থগিত ৰখা হয়।