FIFA’s first Peace Prize goes to Donald Trump:
শান্তিৰ ন’বেল বঁটাৰ বাবে বহু আশা কৰিও অৱশেষত বঁটাটি লাভ নকৰি আশাহত হোৱা মাৰ্কিন ৰাষ্ট্ৰপতি ডনাল্ড ট্রাম্পলৈ আশাৰ ৰেঙনি কঢ়িয়াই আনিলে বিশ্ব ফুটবল সৰ্বোচ্চ সন্থা ‘ফিফাই ৷ ফিফাই প্ৰথমবাৰৰ বাবে প্ৰৱৰ্তন কৰা শান্তি বঁটা’ আগবঢ়ালে মাৰ্কিন ৰাষ্ট্ৰপতি গৰাকীক I
শুকুৰবাৰে ৱাশ্বিংটন ডিচিত অনুষ্ঠিত হোৱা অনুষ্ঠানত ২০২৬ চনৰ ফুটবল বিশ্বকাপৰ ড্ৰ’ৰ সময়ত মাৰ্কিন ৰাষ্ট্ৰপতি ডনাল্ড ট্রাম্পক ‘শান্তি বঁটা’ৰ বৃহৎ সোণৰ ট্ৰফী,পদক আৰু প্ৰমাণ পত্ৰও প্ৰদান কৰে ফিফাৰ সভাপতি জিয়ানি ইনফান্টিনোৱে ৷
‘শান্তি বঁটা ‘ লাভ কৰি ট্ৰাম্পে কয় যে তেওঁ কূটনৈতিক হস্তক্ষেপৰ জৰিয়তে “লাখ লাখ লোকৰ জীৱন” ৰক্ষা কৰিছিল আৰু “যুদ্ধ আৰম্ভ হোৱাৰ ঠিক আগতেই সংঘটিত হোৱা বন্ধ কৰি দিছিল”।
২০২৬ চনৰ বিশ্বকাপে টিকট বিক্ৰীৰ ক্ষেত্ৰত নতুন অভিলেখ গঢ়িছে বুলি দাবী কৰাৰ পূৰ্বে ট্ৰাম্পে কয় যে এইটো সঁচাকৈয়ে মোৰ জীৱনৰ অন্যতম ডাঙৰ সন্মান।
ট্ৰাম্পে কয় যে ফিফাৰ সভাপতি জিয়ানিয়ে অবিশ্বাস্য কাম কৰিছে। এতিয়া পৃথিৱীখন অধিক নিৰাপদ ঠাই। এবছৰৰ আগতে আমেৰিকাৰ অৱস্থা ভাল নাছিল; এতিয়া আমি বৰ্তমান বিশ্বৰ আটাইতকৈ উষ্ণ দেশ।”
উল্লেখ্য যে আমেৰিকা, কানাডা আৰু মেক্সিকোৰ সহযোগত আয়োজন কৰা ২০২৬ চনৰ বিশ্বকাপ ১১ জুনৰ পৰা ১৯ জুলাইৰ ভিতৰত অনুষ্ঠিত হ’ব।
পিছত ট্ৰাম্পে মেক্সিকোৰ ৰাষ্ট্ৰপতি ক্লাউডিয়া শ্বেইনবাম আৰু কানাডাৰ প্ৰধানমন্ত্ৰী মাৰ্ক কাৰ্নীৰ সৈতে মঞ্চলৈ উভতি আহি ড্ৰ’ৰ আনুষ্ঠানিক মুকলি অনুষ্ঠান পৰিৱেশন কৰে। ইতিমধ্যে নিজৰ নিজৰ জাতিৰ বল আঁকিছিল তিনিওজন নেতাই। ইয়াৰ পিছতে ইনফেন্টিনোৱে তোলা চেলফিৰ বাবে পোজ দিছিল তিনিও ৰাষ্ট্ৰপ্ৰধানে ৷
উল্লেখযোগ্য বিশ্ব ফুটবল মহাৰণত মেক্সিকো গ্ৰুপ এ’ত আছে আৰু প্ৰতিযোগিতাখনৰ উদ্বোধনী মেচত খেলিব ৷ আনহাতে কানাডা গ্ৰুপ বি’ত আছে আৰু আমেৰিকা গ্ৰুপ ডি’ত আছে।
