Kherani Situation Update:কাৰ্বি আংলঙৰ খেৰণিত পুনৰ উত্তপ্ত পৰিস্থিতি

Kherani Situation Update:

পাৰ্বত্য জিলা কাৰ্বি আংলঙৰ খেৰণিত পুনৰ সৃষ্টি হৈছে উত্তপ্ত পৰিস্থিতিৰ। বহিৰাগতক উচ্চেদৰ দাবীত ধাৰাবাহিক আন্দোলন অব্যাহত ৰখা আন্দোলনকাৰী সকলৰে আজি মন্ত্ৰী ডা:ৰণোজ পেগুৰে হোৱা আলোচনামৰ্মে ইতিমধ্যে আন্দোলন স্থগিত ৰখাৰ বিপৰীতে পিছত আন এটা পক্ষই পৰিস্থিতি অধিক উত্তেজনাময় কৰি তোলে ৷ প্ৰতিবাদকাৰী সকলে হাতত লাঠি-জোং লৈ খেৰণি থানা আক্ৰমণৰ লক্ষ্যৰে আৰক্ষীলৈ ধাৰাষাৰশিলাবৰ্ষণ কৰে। আহত হৈছে কেইবাগৰাকীআৰক্ষী। আনকি আহত হয় কেইবাগৰাকী মহিলা আৰক্ষী। আনহাতে উত্তেজিত জনতাক চত্ৰভংগ দিবলৈ আৰক্ষীয়ে শূন্যলৈ গুলিচালনা কৰে । ইয়াৰ পূৰ্বে প্ৰতিবাদকাৰীক ৰুধিবলৈ আৰক্ষীয়ে চলাইছে লাঠীচাৰ্জ আৰু কন্দুৱা গেছ নিক্ষেপ কৰিবলগীয়া পৰিস্থিতিৰ সৃষ্টি হয় ৷

আনহাতে আৰক্ষীৰ লাঠীচাৰ্জত আহত হয় কে’বা গৰাকী প্ৰতিবাদকাৰী ৷ বৰ্তমানেও পৰিস্থিতি উত্তেজনাময় হৈ আছে ৷ শেহতীয়া খবৰ অনুসৰি অগ্নিগৰ্ভা পৰিস্থিতি চম্ভালিবলৈ ইতিমধ্যে খেৰণিত উপস্থিত হয় অতিৰিক্ত সশস্ত্ৰ আৰক্ষী বাহিনী ৷

উল্লেখ্য যে খেৰণিত অব্যাহত থকা উত্তেজনাময় পৰিস্থিতিৰ পৰ্যবেক্ষণ কৰিবৰ বাবে সোমবাৰে নিশা উপস্থিত হৈছিল ডিজিপি হৰমিত সিং ৷ একেদৰে মঙলবাৰে পুৱা ঘটনাস্থলীত উপস্থিত হয় শিক্ষামন্ত্ৰী ডা:ৰণোজ পেগু৷ আন্দোলনকাৰী সকলৰ স’তে এক আলোচনাত মিলিত হয় অহা ২ জানুৱাৰীত মুখ্যমন্ত্ৰীৰে আলোচনাত বহিব বুলি মৌখিক আশ্বাসৰ পিছতে আন্দোলন স্থগিত ৰাখে ৷ইয়াৰ বিপৰীতে আন এটা পক্ষই যুদ্ধংদেহী মনোভাৱেৰে আৰক্ষীৰ বিৰুদ্ধে সোচ্ছাৰ হৈ সংঘটিত কৰে আক্ৰমণৰ ঘটনা ৷