MP Dilip Saikia:
বৈৰী ৰাষ্ট্র পাকিস্তানৰ সৈতে থকা প্রদেশ কংগ্ৰেছৰ সভাপতি গৌৰৱ গগৈৰ গভীৰ সম্পৰ্কৰ বিষয়টো কেন্দ্রীয় তদন্তকাৰী সংস্থা এনআইএ নাইবা চিবিআই ৰ জৰিয়তে তদন্ত কৰাবৰ বাবে কেন্দ্ৰীয় চৰকাৰক আহ্বান জনাইছে দৰং-ওদালগুৰিৰ সাংসদ তথা ভাৰতীয় জনতা পার্টিৰ ৰাজ্যিক সভাপতি দিলীপ শইকীয়াই। দলৰ মুখ্য কার্যালয় অটল বিহাৰী বাজপেয়ী ভৱনৰ পৰা সংবাদ মাধ্যমলৈ প্ৰেৰণ কৰা প্ৰেছ বিবৃতিত শইকীয়াই লগতে কয়, মুখ্যমন্ত্রী ড: হিমন্ত বিশ্ব শর্মাই ৮ ফেব্ৰুৱাৰীৰ দিনা ৰাজহুৱা কৰা এছআইটি ৰ প্রতিবেদনত উল্লেখ থকা প্রতিটো তথ্য আৰু বক্তব্য ১০০ শতাংশ প্রমাণ আধাৰিত। কোনো কাৰণতেই গৌৰৱ গগৈয়ে এই প্রশ্নসমূহৰ উত্তৰ এৰাই চলিব নোৱাৰিব। তেওঁ পাকিস্তানলৈ কিয় গৈছিল আৰু কাক কাক লগ ধৰিছিল তাৰ স্পষ্ট উত্তৰ অসমবাসীক গৌৰৱ গগৈয়ে দিবই লাগিব বুলি শইকীয়াই দৃঢ়তাৰে কয়। গৌৰৱ গগৈৰ পাকিস্তান সম্পৰ্কৰ বিষয়টোৰ ৰাজনীতিৰ লগত কোনো সম্বন্ধ নাই। বৰঞ্চ ই এগৰাকী ৰাজনেতাৰ নিজৰ মাতৃভূমিৰ প্রতি থকা নৈতিক দায়িত্ব আৰু ৰাষ্ট্ৰীয় দায়বদ্ধতা তথা ৰাষ্ট্ৰীয় সুৰক্ষাৰ লগতহে জড়িত বিষয় বুলি শইকীয়াই মত পোষণ কৰে। সেয়েহে এগৰাকী নির্বাচিত জনপ্রতিনিধিয়ে বৈৰী ৰাষ্ট্ৰৰ লগত গোপন সম্বন্ধ ৰক্ষা কৰা বিষয়টোক কেন্দ্রীয় তদন্তকাৰী সংস্থাই পুংখানুপুংশভাবে তদন্ত কৰি আইনীভাবে যথোচিত শাস্তিৰ ব্যৱস্থা কৰাৰ প্ৰয়োজন আছে। কিয়নো দেশবিৰোধী কাৰ্যত জড়িত থকা ৰাজনৈতিক নেতাসকলৰ প্ৰকৃত স্বৰূপ উদঙাই দিয়াৰ বাবেই কেন্দ্রীয় সংস্থাই তদন্ত কৰাৰ প্ৰয়োজন আছে বুলি ৰাজ্যিক সভাপতিজনে মন্তব্য কবে।
ভাৰতৰ ৰাষ্ট্ৰীয় সুৰক্ষাৰ বিষয়ত কংগ্ৰেছৰ ভাষা আৰু পাকিস্তানৰ ভাষা সদায় একে হয়। সাধাৰণতে কংগ্ৰেছৰ ভাষা আৰু কাম-কাজ পাকিস্তান সমর্থিত মৌলবাদী শক্তি আৰু সন্ত্রাসবাদীৰ সৈতে একে। কংগ্ৰেছৰ নেতা সকলে সংসদত দিয়া ভাষণ পাকিস্তানৰ সংবাদ পত্রই অতি গুৰুত্ব সহকাবে প্রকাশ কৰে। কিয়নো কংগ্ৰেছৰ নেতাৰ ভাষা সদায় পাকিস্তানৰ সন্ত্রাসবাদী কাম-কাজৰ পৰিপূৰক হিচাপে চিহ্নিত হৈ আহিছে। উল্লেখযোগ্য যে, ড: মনমোহন সিঙৰ চৰকাৰৰ সময়ত পাকিস্তানক দিয়া সকলো ডজিয়াৰ পাকিস্তানে ভাৰত বিৰোধী কামত ব্যৱহাৰ কৰিছিল। এটা কথা স্পষ্ট যে, চৰকাৰ হিচাপে হওক বা দল হিচাপেই হওক কংগ্রেছ সদায় পাকিস্তানৰ পক্ষত আছে। কংগ্ৰেছৰ সকলো কাম পাকিস্তানৰ মৌলবাদী আৰু সন্ত্রাসবাদী কাৰ্য্যকলাপৰ পৰিপূৰক হিচাপে প্রমাণিত হৈ আহিছে বুলি ৰাজ্যিক বিজেপিৰ সভাপতিয়ে মত পোষণ কৰে। অসমৰ সাংসদ তথা বিৰোধী দলৰ উপ-দলপতি গৌৰৱ গগৈৰ সামজিক মাধ্যমৰ বক্তব্যবোৰ পাকিস্তানৰ সংবাদ মাধ্যম আৰু বৈৰী ৰাষ্ট্ৰখনৰ নাগৰিকে ব্যৱহাৰ কৰা সামাজিক মাধ্যমৰ হেন্ডেলসমূহত যথেষ্ট প্রশংসা বুটলিবলৈ সক্ষম হয়। পাকিস্তানৰ বুকুৰ কুটুম কাৰণেই দেশখনৰ সংবাদ মাধ্যমৰ বাবে গৌৰৱ গগৈ হিয়াৰ আমঠু। সেয়েহে গৌৰৱ গগৈৰ সকলো কথা পাকিস্তানত সদায় সংবাদ শিৰোনামাত থাকে বুলি শ্রীশইকীয়াই মত পোষণ কৰে।
উল্লেখযোগ্য যে, মুখ্যমন্ত্রী ড০ হিমন্ত বিশ্ব শর্মাই ৰাজহুৱা কৰা এছআইটি প্রতিবেদনত উল্লেখ থকা ভয়ংকৰ তথ্যই আমাক আজি স্বাভিমানি অসমীয়া তথা ভাৰতীয় নাগৰিক হিচাপে লজ্জিত কৰিছে। এই তথ্যসমূহে অসমৰ লগতে সমগ্র দেশৰ জনতাৰ মাজত গভীৰ উদ্বেগ সৃষ্টি কৰা পৰিলক্ষিত হৈছে বুলি ৰাজ্যিক বিজেপিৰ সভাপতিয়ে মত পোষণ কৰে। ৰাজ্যিক বিজেপিৰ সভাপতিয়ে স্পষ্টভাবে কয় যে, কি পৰিস্থিতিত গৌৰৱ গগৈৰ পত্নীয়ে পাকিস্তানৰ বৈদেশীক মন্ত্রালয়ৰ বিশেষ আদৰ-সাদৰ লাভকৰিছিল তাৰ উত্তৰ তেওঁ দেশবাসীক দিবই লাগিব। যি সময়ত ভাৰতীয় খেলুৱৈ তথা সাংবাদিকৰ ভিছাও পাকিস্তানৰ বৈদেশীক মন্ত্রালয়ে সীমিত কৰি ৰাখিছিল সেই সময়তো কিয় গৌৰৱ গগৈক পাকিস্তানে ৰঙা দলিচা পাৰি স্বাগতম জনাইছিল, তাৰ উত্তৰ জনাৰ অধিকাৰ প্ৰতিগৰাকী নাগিৰকৰ আছে। এই উত্তৰ গৌৰৱ গগৈয়ে দিবই লাগিব বুলি শইকীয়াই দৃঢ়তাৰে কয়।
গৌৰৱ গগৈৰ পাকিস্তান প্রীতিৰ বাবেই প্রয়াত মুখ্যমন্ত্রী তৰুণ গগৈৰ দুয়োটা নাতি-নাতিনী বিদেশী হ’ল। তেওঁৰ বোৱাৰী গৰাকীও বিদেশী। অর্থাৎ চাৰিজনীয়া পৰিয়ালটোত আজি গৌৰৱ গগৈ সংখ্যালঘু। সেয়ে হয়তো গৌৰৱ গগৈৰ সংখ্যালঘু মিঞাৰ প্ৰতি দৰদ আমি সকলো ক্ষেত্ৰতে প্রত্যক্ষ কৰি আহিছো বুলিও শ্রীশইকীয়াই কটাক্ষ কৰে। কংগ্ৰেছৰ মিঞাৰ প্ৰতি থকা দৰদে অসমৰ সমাজ জীৱনলৈ সংকট মতাই অনাৰ দৰে গৌৰৱ গগৈৰ কাম-কাজে অসমীয়া স্বাভিমানৰ প্ৰতি ভাবুকি সৃষ্টি কৰিছে। সেয়ে আমাৰ স্থিতি স্পষ্ট বুলি কৈ ৰাজ্যিক সভাপতি দিলীপ শইকীয়াই কয়- “মিঞাৰ প্ৰতি থকা দৰদৰ বাবেই বিগত ৫ দশকৰ কংগ্ৰেছী শাসনকালত অসমৰ সমাজ জীৱনলৈ বিপদ নামি আহিছিল।
আজিও তেওঁলোকৰ তুষ্টিকৰণ আৰু মিত্ৰাৰ ভোট বেংকৰ ৰাজনীতিৰ প্ৰতি থকা অগাধ বিশ্বাসৰ বাবেই ৰাজ্যখনৰ খিলঞ্জীয়া মানুহ সংখ্যালঘুত পৰিণত হৈ ৰাজনৈতিক প্রভূত্ব হেৰুৱাৰ উপক্ৰম হৈছে। আমাৰ কৃষ্টি-সংস্কৃতি, মাটি-ভেটিত মিঞাসকলে আগ্রাসন কৰিছে। মিত্ৰাৰ এই আগ্রাসনক বল প্রদান কৰিছে কংগ্ৰেছী নেতাৰ কার্যকলাপে। গতিকে আমাৰ যুঁজ কেৱল গৌৰৱ গগৈ নামৰ ব্যক্তিজনৰ বিৰুদ্ধে নহয়, আমাৰ যুঁজ হৈছে কংগ্ৰেছৰ ৰাষ্ট্ৰবিৰোধী, জাতিবিৰোধী আদৰ্শৰ বিৰুদ্ধেহে। আমাৰ যুঁজ হৈছে ভাৰতৰ বিপক্ষে স্থিতি লোৱা ৰাজনৈতিক দলৰ বিৰুদ্ধে। গৌৰৱ গগৈৰ পাকিস্তানৰ লগত থকা পোপন মিতিৰালিৰ কথা এছআইটিৰ প্রতিবেদনত ফাদিল হোৱাৰ পিছত তাক লৈ আজি অসমবাসী ক্ষোভিত, ব্যথিত হৈ পৰা আমি দেখা পাইছো। সেয়েহে গৌৰৱ গগৈৰ দেশ বিৰোধী কাৰ্য্যকলাপৰ সৰ্বত্রে ধিক্কাৰ দিয়া আমি দেখা পাইছো।