Jyanta khaund:
অগপৰ পৰা সদ্য পদত্যাগী কোষাধ্যক্ষ জয়ন্ত খাউণ্ডই সোমবাৰে নতুন দিল্লীৰ এআইচিচি সদৰ দপ্তৰত আয়োজিত এক যোগদান অনুষ্ঠানত আনুষ্ঠানিকভাৱে কংগ্ৰেছত যোগদান কৰে ৷ অনুষ্ঠানত এপিচিচি নিৰ্বাচন দায়িত্ববাহী ডি কে শিৱকুমাৰ ,এআইচিচিৰ সাধাৰণ সম্পাদক জীতেন্দ্ৰ সিং,এপিচিচিৰ সভাপতি গৌৰৱ গগৈ আৰু প্ৰাক্তন সাংসদ ৰাণী নৰহ উপস্থিত থাকে ৷
উল্লেখ্য যে অগপৰ কোষাধ্যক্ষ তথা ৰঙানদী প্ৰাৰ্থীত্ব প্ৰত্যাশী জয়ন্ত খাউণ্ড দলৰ অন্যতম প্ৰাৰ্থীত্বৰ দাবীদাৰ আছিল যদিও বিজেপিৰে মিত্ৰতা সুত্ৰে আসন খন বিজেপিলৈ যোৱাটো একপ্ৰকাৰ নিশ্চিত হৈ পৰাত ক্ষোভিত খাউণ্ডে দলৰ পৰা পদত্যাগ কৰিছিল ৷ ইয়াৰ পিছতে অসম মহিলা কংগ্ৰেছৰ সভানেত্ৰী মীৰা বৰঠাকুৰ গোস্বামীৰ বাসগৃহত এপিচিচিৰ সভাপতি গৌৰৱ গগৈৰ বাসগৃহত মিলিত হৈ কংগ্ৰেছত যোগদান কৰাটো নিশ্চিত কৰে ৷
অৱশেষত ৰঙানদীৰ কংগ্ৰেছৰ প্ৰাৰ্থী হিচাপে নিৰ্বাচনত অৱতীৰ্ণ হোৱাটো খাটাং হোৱাৰ পিছতে আজি দিল্লীত আনুষ্ঠানিকভাৱে যোগদান কৰে অগপৰ প্ৰাক্তন নেতা গৰাকীয়ে ৷
