Guwahati:
ৰাজ্যৰ অৱসৰপ্ৰাপ্ত অতিৰিক্ত মুখ্য সচিব সুভাষ চন্দ্ৰ দাসৰ নেতৃত্বত ৰাজ্য চৰকাৰে গঠন কৰা অষ্টম দৰমহা আয়োগ সন্দৰ্ভত এখন বৰ্ধিত কাৰ্যনিৰ্বাহক অনুষ্ঠিত হয়
সদৌ অসম কৰ্মচাৰী পৰিষদৰ ৷বৰ্ধিত কাৰ্যনিৰ্বাহক সভাত আয়োগ সম্পৰ্কত বিতং আলোচনাৰ অন্তত কৰ্মচাৰীৰ স্বাৰ্থ সুৰক্ষা হোৱাকৈ আয়োগৰ ওচৰত এখন দাবী চনদ দাখিলৰ সিদ্ধান্ত গ্ৰহণ কৰা হয় ৷ সেই অনুসৰি পৰিষদৰ অন্তৰ্গত বিভিন্ন সংগঠনক ৩০জুনৰ ভিতৰত পৰামৰ্শ আগবঢ়োৱা আহ্বান জনোৱা হয় ৷ সংগঠন সমূহৰ পৰামৰ্শৰ ভিত্তিত কৰ্মচাৰী পৰিষদে এখন বৰ্ধিত দাবী চনদ প্ৰস্তুত কৰি অষ্টম দৰমহা আয়োগৰ ওচৰত দাখিল কৰিব ৷
উল্লেখ্য যে সদৌ অসম কৰ্মচাৰী পৰিষদৰ বৰ্ধিত কাৰ্যনিৰ্বাহক সভাত সংগঠনসমূহৰ পৰামৰ্শৰ ভিত্তিতে প্ৰস্তুত কৰা দাবী চনদৰ জৰিয়তে ২০২৬ চনৰ ১ জানুৱাৰীৰ পৰা কাৰ্যকৰী কৰাৰ পোষকতা কৰা হয় ৷ একেদৰে সপ্তম দৰমহা আয়োগৰ আসোঁৱাহ দূৰীকৰণৰো পোষকতা কৰে কাৰ্যনিৰ্বাহক বৈঠকে। এই কথা সংবাদ মাধ্যমৰ আগত সদৰি কৰে সদৌ অসম কৰ্মচাৰী পৰিষদৰ প্ৰধান সম্পাদক পংকজ বর্মনে।
