Raijor Dal Pressmert:
বিজেপিক উৎখাত কৰাৰ উদ্দেশ্যৰে কংগ্ৰেছ নেতৃত্বত গঠন কৰা ঐক্যজোঁটৰ অন্যতম ৰাইজৰ দলৰে আসন বুজাপৰা ক্ষেত্ৰত সহমত নোহোৱাৰ বাবে অৱশেষত মিত্ৰতা ভংগ হ’ল দল দুটাৰে ৷ অৰ্থাৎ কংগ্ৰেছ নেতৃত্বাধীন ছয়দলীয় মৰ্চাৰ পৰা আউট হ’ল অখিল গগৈ।
উল্লেখ্য যে নিৰ্বাচনলৈ মাজত মাত্ৰ এটা মাহ থকা অৱস্থাত কংগ্ৰেছৰে ৰাইজৰ দলৰ আসন বুজাপৰা অব্যাহত থাকোতেই বিগত সপ্তাহত কংগ্ৰেছে ঘোষণা কৰে প্ৰাৰ্থী তালিকা ৷ ৰাইজৰ দলে বিচৰা কে’বাখনো আসনত কংগ্ৰেছৰ প্ৰাৰ্থীৰ নাম ঘোষণা কৰাত ক্ষুন্ন হৈ পৰে অখিল গগৈয়ে ৷ যাৰ প্ৰত্যুত্তৰ স্বৰূপে কংগ্ৰেছ প্ৰক্ষেপ কৰা সমষ্টি সহ আন কে’বাটাও সমষ্টি সহ প্ৰাৰ্থী তালিকা ঘোষণা কৰে ৰাইজৰ দলে ৷ দুয়োটা দলৰ এই মাজত সংঘাত চলি থকাৰ মাজতে যোৱা সপ্তাহত গৌৰৱ গগৈয়ে লুৰিণজ্যোতি গগৈ,জন ইংতি কাথাৰ সহ চিপিএমৰ ৰাজ্যিক সম্পাদকৰ উপস্থিতিত আয়োজন কৰে সংবাদমেল ৷য’ত উপস্থিত নাছিল অখিল গগৈ ৷ একপ্ৰকাৰ অখিল গগৈক একাষৰীয়া কৰিয়ে আয়ো কৰা হ’ল সংবাদমেল ৷ইয়াৰ পিছতে অখিল গগৈ সোচ্ছাৰ হৈ কংগ্ৰেছৰ স’তে সম্পৰ্ক ইতি পৰা বুলি ইংগিত দি গৌৰৱগগৈ আৰু ৰকিবুল হুছেইনৰ অহং ভাবৰ বাবেও মিত্ৰতা আওল লাগিল ৷
আনহাতে এনে ঘটনাক্ৰমৰ মাজতে বুধবাৰে এপিচিচি সভাপতি গৌৰৱ গগৈয়ে ফেচবুক পষ্ট যোগে ৰাইজৰ দলৰে সাময়িকভাৱে বিৰতি বিচাৰি বুলি উল্লেখ কৰে।
ইপিনে গৌৰৱ গগৈৰ এই ফেচবুক পষ্টৰ পিছতে থৰকাছুটি হেৰুৱাই অখিল গগৈয়ে ৷ সংবাদ মাধ্যমত পুনৰ গৌৰৱ গগৈৰ বিৰুদ্ধে সোচ্ছাৰ হৈ পৰে ৷ বিয়লি ৰাইজৰ দলৰ কাৰ্যালয়ত আয়োজিত এক সংবাদমেলত কাৰ্যকৰী সভাপতি ভাস্কো দি শইকীয়াই গৌৰৱ গগৈৰ ফেচবুক প’ষ্টক লৈ আশ্বর্য প্ৰকাশ কৰি কয়,আমি লুডু বা কেৰমৰ দৰে টাইম পাছ কৰি থকা গেম খেলি থকা নাই৷আমি মিত্ৰতাৰ আলোচনাত কোনো ধৰণৰ বিৰতি বিচৰা নাই ৷কংগ্রেছে একপক্ষীয়ভাৱে মিত্রতা ভংগ কৰিলে। গৌৰৱ গগৈয়ে বুজাপৰা সম্পৰ্কত এবাৰো লগ নিদিলে ৰাইজৰ দলক ৷ মিত্ৰতাৰ নামত কংগ্ৰেছে ভণ্ডামিহে কৰিলে ৷ আনকি জ্যেষ্ঠ কংগ্ৰেছ নেতা ৰিপুন বৰাৰ সৈতে হোৱা আলোচনাৰ সিদ্ধান্ত দুঘণ্টাতে সলনি কৰে ৷
ৰাইজৰ দলৰ জ্যেষ্ঠ নেতা গৰাকীয়ে আৰু কয় যে,ৰিপুন বৰাৰে হোৱা আলোচনাত ৰঙানদী এৰি দিয়া হৈছিল ৰাইজৰ দলক ৷ পাছত অগপ ত্যাগ কৰি কংগ্ৰেছ দলত যোগদান কৰা জয়ন্ত খাউণ্ডৰ বাবে ৰঙানদী এৰি নিদিয়া হ’ল কংগ্রেছে ৷ অৰ্থাৎ কংগ্রেছে অনানুষ্ঠানিকভাৱে মিত্ৰতা ভংগ কৰিলে ৷ গৌৰৱ গগৈৰ দাম্ভিকতাৰ বাবে হৈ নুঠিল বহু আকাংক্ষিত মিত্ৰতা ৷ ইয়াৰ ফল ভোগ কৰিব আসন্ন নিৰ্বাচনত ৷ দিছপুৰৰ মচনদত যদি পুনৰ বিজেপি আহে ইয়াৰ বাবে সম্পূৰ্ণ দায়ী হ’ব গৌৰৱ,ৰকিবুল আৰু লুৰিণজ্যোতি৷ সংবাদমেলত ৰাছেল হুছেইন সহ কে’বাজনো ৰাইজৰ দলৰ নেতা উপস্থিত থাকে ৷
