বিষাক্ত চুলাই মদে পুনৰ নুমলীগড়ত প্ৰাণ ল’লে দুজনৰ

বিষাক্ত চুলাই মদে পুনৰ নুমলীগড়ত প্ৰাণ ল’লে দুজনৰ৷ৰাতুল দাস(৪৯) আৰু জিতুৱা উৰফে জিতু দাস(৩৮)এ কৰুণ মৃত্যুক সাৱটি লোৱাৰ উপৰি দীপৰ ৰাজবংশী আৰু দণ্ডী দাস সংকটজনক অৱস্থাত চিকিৎসাধীন হৈ আছে৷ তদুপৰি, বৰ্তমান কে’বাজনো লোক অসুস্থ হৈ পৰাৰ তথ্য পোহৰলৈ আহিছে৷ আজি ঘটনাক কেন্দ্ৰ কৰি সমগ্ৰ অঞ্চলজুৰি তীব্ৰ উত্তেজনাই বিৰাজ কৰে৷ গাঁৱৰ মহিলাসকলে একত্ৰিত হৈ অবৈধ চুলাইৰ ঘাটিসমূহ উচ্ছেদ কৰে৷ এই সময়ছোৱাত কিছু ঠাইত খণ্ডযুদ্ধৰো সূত্ৰপাত হয়৷ইপিনে, ঘটনাৰ বুজ ল’বলৈ উপস্থিত হোৱা গোলাঘাট জিলাৰ আৰক্ষী অধীক্ষক পুস্পৰাজ সিঙক ক্ষোভিত হৈ পৰা মহিলা তথা ৰাইজে ঘেৰাও কৰি বিভিন্ন প্ৰশ্নবানেৰে থকা-সৰকা কৰে৷