অগপৰ তিনি পদত্যগী মন্ত্ৰীয়ে ঘুৰাই ললে পদত্যাগ পত্ৰ

মিত্ৰপাশত আৱদ্ধ হল অগপ বিজেপি। মুখ্যমন্ত্ৰী সৰ্বানন্দ সোণোৱালৰ বাসগৃহত আজি পদত্যাগ পত্ৰ ঘূৰাই ল’লে অগপৰ তিনি মন্ত্ৰীয়ে৷ মুখ্যমন্ত্ৰীৰ বাসভৱনত অগপ নেতাৰে বৈঠকৰ অন্তত মন্ত্ৰী হিমন্ত বিশ্বই কয় যে অহা ১৬ মাৰ্চত দিল্লীত অমিত শ্বাহৰ সৈতে বৈঠকত মিলিত হব অগপ নেতৃত্ব৷ তেওঁ কয় যে শ্বাহৰে বৈঠকৰ পিছতেই ঘোষণা কৰা হ’ব আগন্তুক লোকসভা নিৰ্বাচনৰ আসন বুজাবুজি। তেওঁ কয় যেনাগৰিকত্ব সংশোধনী বিধেয়কক লৈ পূৰ্বৰ দৰে আছে বিজেপিৰ স্থিতি৷ অগপৰ সৈতে অলপ মতপাৰ্থক্য আছে যদিও আলাপ-আলোচনাৰ মাজেৰে দূৰ কৰা হ’ব এই মতপাৰ্থক্য৷অহা তিনি বছৰ আমাৰ চৰকাৰ সুন্দৰকৈ চলিব বুলিও মন্তব্য হিমন্ত বিশ্বৰ৷