শতাব্দী ৰেলত ‘মেঁ ভী চৌকিদাৰ’ লিখা কাপ

প্ৰধানমন্ত্ৰী নৰেন্দ্ৰ মোদী তথা বিজেপিয়ে ‘মেঁ ভী চৌকিদাৰ ‘ অভিযান আৰম্ভ কৰা পাছত ৰেলৰ টিকটসমূহত প্ৰধানমন্ত্ৰী মোদীৰ ফটোসহ ‘ মেঁ ভী চৌকিদাৰ’ লিখা হৈছিল । ইয়াক লৈ তীব্ৰ প্ৰতিক্ৰিয়া সৃষ্টি হোৱাত ৰেল বিভাগে বাধ্যত পৰি টিকটৰ পৰা মোদীৰ ফটো আঁতৰায়। কিন্তু শেহতীয়াকৈ পোহৰলৈ অহা তথ্য অনুসৰি এখন শতাব্দী ৰেলত ‘ মেঁ ভী চৌকিদাৰ ‘ লিখা কাপত যাত্ৰীক চাহৰ যোগান ধৰা হয় । এনে এটা কাপৰ ফটো তুলি কোনো লোকে ছ’চিয়েল মিডিয়াত আপলোড কৰিছে । ইয়াৰ লগে লগে ৰেল বিভাগত জোকাৰণিৰ সৃষ্টি হৈছে । এনে কাপ যোগান ধৰা ঠিকাদাৰজনৰ বিৰুদ্ধে ব্যৱস্হা লোৱা হৈছে বুলি ৰেল বিভাগে প্ৰকাশ কৰিছে । ৰেলৱেই প্ৰকাশ কৰা অনুসৰি ঠিকাদাৰজনক এক লাখ টকাৰ জৰিমণা বিহা হৈছে আৰু তেওঁ যোগান ধৰা কাপ আঁতৰাই পেলোৱা হৈছে । আনহাতে, টুইটাৰত একাংশই টুইট কৰা অনুসৰি ‘ মেঁ ভী চৌকিদাৰ লিখা কাপ কাঠগ’ড়াম শতাব্দী এক্সপ্ৰেছত যাত্ৰীক যোগান ধৰা হৈছিল । এই সম্পৰ্কত ৰেল মন্ত্ৰণালয়ে কয়, ‘ আজি ঘটনাটো ঘটে আৰু তাৎক্ষণিকভাৱে কাপবোৰ আঁতৰাই পেলোৱা হয়। ঠিকাদাৰজনৰ বিৰুদ্ধে শাস্তিমূলক ব্যৱস্হা গ্ৰহণ কৰা হৈছে । পৰিদৰ্শকৰ বিৰুদ্ধেও ব্যৱস্হা লোৱা হ’ব।’