Sonam Raghuvanshi’s bail:
দৈনিক অগ্ৰদূত ডিজিটেল ডেক্স:-ইন্দোৰ হানীমুন মাৰ্ডাৰ কেচৰ মূল অভিযুক্ত সোণম ৰঘুবংশীৰ জামিন। আৰক্ষীৰ সূত্ৰ অনুসৰি আদালতে জামিন মঞ্জুৰ কৰিছে যদিও এতিয়াও বিতং জামিন আদেশ জাৰি কৰা হোৱা নাই। কেৱল সোণমেহে জামিন আৱেদন দাখিল কৰিছে৷আনহাতে আন অভিযুক্তই এতিয়াও জামিন আৱেদন দাখিল কৰা নাই। পূৱ খাছি পাহাৰ জিলাৰ সত্ৰ চেছন ন্যায়াধীশ আদালতে সোণম ৰঘুবংশীৰ জামিন মঞ্জুৰ কৰে । জামিন পালেও শ্বিলং এৰি যাব নোৱাৰিব সোনম প্রতিদিনে থানাত দিব লাগিব হাজিৰা৷সোনমৰ প্ৰেমিক ৰাজ কুশুৱাহাসহ বাকী অভিযুক্ত এতিয়াও বন্দী হৈ আছে শ্বিলং কাৰাগাৰত ৷
উল্লেখ্য যে জামিন আৱেদনত সোনমে আদালতক কয় যে, তদন্তত তেওঁ সম্পূৰ্ণ সহযোগিতা আগবঢ়াইছে আৰু আগলৈও সহযোগিতা আগবঢ়াই যাব । একেদৰে প্ৰায় ১০ মাহ ধৰি জেলত আছে আৰু সেয়েহে জামিনৰ পৰা বঞ্চিত কৰা উচিত নহয়। সূত্ৰ অনুসৰি তেওঁৰ পিতৃ আৰু খুলশালীয়েকে জামিন বণ্ড দাখিল কৰিবলৈ শ্বিলঙত উপস্থিত হৈছে আৰু মঙলবাৰে সন্ধিয়া মুকলি কৰি দিয়াৰ সম্ভাৱনা আছে।
উল্লেখ্য য়ে দেশ কপাই যোৱা লোমহৰ্ষক হত্যাকাণ্ডৰ এই গোচৰটো দেশৰ ভিতৰতে চৰ্চিত হত্যাকাণ্ড হিচাপে বিবেচিত হৈছিল ৷ আৰক্ষীৰ মতে, ৰাজা ৰঘুবংশী আৰু তেওঁৰ পত্নী সোণম ২১ মে’ত হানিমুনৰ বাবে শিলচৰত উপস্থিত হৈছিল। তাৰ পৰা ২৬ মে’ত সোহৰালৈ গৈছিল। সেইদিনা নিৰুদ্দেশ হৈ গ’ল দুয়ো। আৰক্ষী, এনডিআৰএফ, এছডিআৰএফ, আৰু স্থানীয় দলসমূহে ব্যাপক অনুসন্ধান অভিযান আৰম্ভ কৰে। প্ৰায় এসপ্তাহৰ পাছত ২ জুনত ছ’হৰাৰ বিখ্যাত ৱেই ছাডং জলপ্ৰপাতৰ ওচৰৰ এটা গভীৰ অৰণ্যত ৰাজাৰ মৃতদেহ উদ্ধাৰ হয়। মধ্যপ্ৰদেশৰ ব্যৱসায়ী ৰঘুবংশীক বিগত বৰ্ষৰ মে’ মাহত পত্নীৰ সৈতে হানিমুনত মেঘালয় ভ্ৰমণ কৰি হত্যা কৰা হৈছিল।
এই পাঁচজন অভিযুক্তৰ ভিতৰত আছে ৰঘুবংশীৰ পত্নী সোণম ৰাজ কুশৱাহা আৰু তিনিজন আক্ৰমণকাৰী বিশাল চৌহান, আকাশ ৰাজপুত, আৰু ব্যৱসায়ীজনক হত্যা কৰিবলৈ মধ্যপ্ৰদেশৰ পৰা অহা আনন্দ কুৰ্মী। আটাইকেইজনে অভিযোগ অস্বীকাৰ কৰিছে। আৰক্ষীৰ তথ্য অনুসৰি মধ্যপ্ৰদেশৰ ইন্দোৰ নিবাসী ৰাজা ৰঘুবংশী আৰু তেওঁৰ পত্নী সোণম ছোহৰালৈ যোৱাৰ পূৰ্বে ২১ মে’ত শ্বিলং ভ্ৰমণ কৰিছিল। ইয়াত উল্লেখ কৰা হৈছে যে ২৬ মে’ত দম্পতীহাল নিৰুদ্দেশ হোৱাৰ খবৰ পোৱা গৈছিল ৷
কেইবাদিনো তীব্ৰ অনুসন্ধানৰ অন্তত ২ জুনত ছহৰাৰ গভীৰ খাৱৈৰ পৰা ৰাজা ৰঘুবংশীৰ মৃতদেহ উদ্ধাৰ কৰা হয়।ভাৰতীয় দণ্ডবিধিৰ বিধান অনুসৰি ছোহৰা থানাত এফআইআৰ ৰুজু কৰা হয়। তদন্তকাৰীয়ে জানিবলৈ দিয়ে যে সোণম ৰাজ কুশৱাহাৰ সৈতে সম্পৰ্কত আছিল। তিনিজন ভাড়াতীয়া হত্যাকাৰীৰ সৈতে দুয়োজনে হানিমুনৰ অজুহাতত ৰঘুবংশীক হত্যাৰ ষড়যন্ত্ৰ কৰে। আৰক্ষীয়ে জনোৱা মতে, আকাশ সিং ৰাজপুত, বিশাল সিং চৌহান, আৰু আনন্দ কুৰ্মিয়ে সোণমৰ উপস্থিতিত হত্যাকাণ্ড সংঘটিত কৰে। তদন্তৰ এসপ্তাহৰ ভিতৰতে সোণমকে ধৰি পাঁচজন অভিযুক্তক গ্ৰেপ্তাৰ কৰা হয়। ৫ ছেপ্টেম্বৰত আৰক্ষীয়ে সোহৰা মহকুমাৰ প্ৰথম শ্ৰেণীৰ ন্যায়িক দণ্ডাধীশৰ আদালতত ৭৯০ পৃষ্ঠাৰ অভিযোগনামা দাখিল কৰিছিল।