গোলাঘাট জিলাৰ ঐতিহ্যমণ্ডিত শ্ৰীশ্ৰীআঠখেলীয়া নামঘৰৰ গাতে গা লাগি থকা তথা গোলাঘাট-যোৰহাট সীমামূৰীয়া অঞ্চল আঠখেলীয়া বছা বৰাপথাৰ আৰু ২ নং বছা গাঁৱলৈ যাতায়ত কৰা কাকডোঙা নদীৰ ওপৰত থকা এখন জৰাজীৰ্ণ বাঁহৰ দলঙে অঞ্চলবাসীক দীৰ্ঘদিনে যমৰ যাতনা ভোগাই আহিছে। উল্লেখ্য যে, সীমামূৰীয়া অঞ্চলটোৰ কাকডোঙা নদীৰ ওপৰত অৱস্থিত এই বাঁহৰ জৰাজীৰ্ণ দলঙেয়েদি ২ নং বছা অঞ্চলটোৰ পৰা কণ কণ ছাত্ৰ ছাত্ৰী সকলে ভয় শংকাৰ মাজেৰে দৈনিক তৃতীয় বছা প্ৰাথমিক বিদ্যালয়লৈ বিপদ সংকুল হৈ অহা যোৱা কৰে লগতে বাৰিষা নদীত পানী বাঢ়িলে সকলো লোকেই অহা যোৱা কৰাতো দুৰ্লভ হৈ পৰে । ২ নং বছা অঞ্চলটোৰ কোনো লোকৰ জৰুৰীকালীন ঘটনা বা ৰোগীক চিকিৎসালয়লৈ নিব হ’লে কোনো সু-ব্যৱস্হা নাই । আটাইতকৈ গুৰুত্বপূৰ্ণ কথা হ’ল অঞ্চলবাসীয়ে দিনৰ ভাগতহে দলঙেয়েদি অহা যোৱা কৰে যদিও দুৰ্ঘটনাৰ প্ৰতি লক্ষ্য ৰাখি নিশা ভাগত অহা যোৱা কৰাটো সম্পূৰ্ণ বাদ দিব লগাত কৰে । দীৰ্ঘদিন ধৰি ৰাইজৰ এই সমস্যা প্ৰতি কোনো জনপ্ৰতিনিধিয়েই আজিকোপতি গুৰুত্ব প্ৰদান নকৰিলে । কেৱল নিৰ্বাচনৰ সময়তহে বিভিন্ন দলৰ নেতা পালি নেতাই মাজে মধ্যে দৰ্শন দি ভূৱা প্ৰতিশ্ৰুতিৰে ৰাইজক ভোট ভিক্ষা মাগি নিজ দায়িত্ব সামৰে । অঞ্চলটোৰ ৰাইজৰ দীৰ্ঘদিনীয়া সমস্যা হিচাপে চিহ্নিত হোৱা এই দলং খনৰ নিৰ্মাণৰ বাবে স্হানীয় বিধায়িকা অজন্তা নেওগক গড়কাপ্টানিক মন্ত্ৰী হৈ থকা অৱস্হাতে কেইবাবাৰো আৱেদন জনাইছিল । আনফালে প্ৰাক্তন মুখ্যমন্ত্ৰী তৰুণ গগৈ তথা বৰ্তমানৰ তিতাবৰ সমষ্টিৰ বিধায়কৰ লগতে কলিয়াবৰ সমষ্টিৰ সাংসদ গৌৰৱ গগৈকো ৰাইজে আৱেদন-নিবেদন কৰিছিল যদিও কোনো কাম নিদিলে । যোৰহাট-গোলাঘাট জিলাৰ সীমামূৰীয়া অঞ্চল হোৱা বুলিয়েই সমস্যাটো গুৰুত্বহীন হিচাপে লোৱা বুলি ক্ষোভ প্ৰকাশ কৰিছে স্থানীয় ৰাইজে । এই ক্ষেত্ৰত অঞ্চলটোৰ ক্ষোভিত ৰাইজে আগন্তক লোকসভা নিৰ্বাচনত ভোট বৰ্জনৰ হুংকাৰ প্ৰদান কৰিছে ।
বাহঁৰ দলঙেৰে বিপদসংকুল যাতায়ত আঠখেলীয়া বছাগাঁওবাসীৰঃ ভোট বৰ্জনৰ হুংকাৰ
-
By publisher
- Categories: Loksabha Election, News
- Tags: Loksabha ElectionMerapani
Related Content
Jorhat Municipal Tax Scam:যোৰহাটত পৌৰ কৰ কেলেংকাৰি !
By
publisher
May 6, 2024
Final Phase of The State Election Will be Held on Tuesday:মঙলবাৰে ৰাজ্যৰ অন্তিম পৰ্যায়ৰ নিৰ্বাচন
By
publisher
May 6, 2024
Passengers are Desperate for Buses:ভোটদানৰ বাবে ঘৰলৈ যাব ওলোৱা যাত্ৰীৰ বাছৰ অভাৱত হাহাকাৰ !
By
publisher
May 6, 2024
Loksabha Election 2024:দুৰ্গ ৰক্ষাত সফল হ'বনে ?
By
publisher
May 6, 2024
Mandira :ধুবুৰী লোকসভা সমষ্টিৰ অন্তৰ্গত মন্দিয়াত এ আই ইউ ডি এফৰ সভাপতি তথা প্ৰাৰ্থী বদৰুদ্দিন আজমল
By
publisher
May 4, 2024