জাজৰি : নগাঁও জিলাৰ বটদ্ৰৱা আৰু ৰহা সমষ্টিৰ অন্তৰ্গত এটি অন্যতম গুৰুত্বপূৰ্ণ পথ হৈছে ডিমৌ-ৰাইদঙীয়া সংযোগী গড়কাপ্তানী পথটি ৷ অসমীয়া কলা-কৃষ্টি-সাহিত্যৰ জনক মহাপুৰুষ শ্ৰীমন্ত শংকৰদেৱৰ ইতিহাস বিজড়িত শ্ৰীশ্ৰীবটদ্ৰৱা থানলৈ অহা-যোৱা কৰাৰ ক্ষেত্ৰত অতীজৰে পৰা নামনি অসমৰ ৰাইজে সততে “বৰদোৱা বাইপাছ ” ৰূপে ব্যৱহাৰ কৰি আহিছে এই পথটি ৷ নগাওঁ গ্ৰাম্য পথ সংমণ্ডলৰ অধীনস্থ অতি গুৰুত্বপূৰ্ণ এই পথটোৰ ৰহা সমষ্টিৰ অন্তৰ্গত ডিমৌ চাৰিআলিৰ পৰা কুজাৰবড়িলৈকে পথছোৱা নতুনকৈ নিৰ্মান কৰা হ’ল যদিও তাৰ গাতে লাগি থকা শেতালী গাৱঁৰ মাজত প্ৰায় ১০০ মিটাৰ পথত শিল বালি এচপৰাও নপৰিল ৷ ফলত সেই ঠাইখিনিত বহু কেইটা দ’ গাঁতৰ সৃষ্টি হৈ গাওঁবাসীৰ লগতে অনান্য পথাচাৰী ৰাইজক জীয়াতু ভোগাইছে ৷ ইয়াৰ লগতে বটদ্ৰৱা সমষ্টিৰ ভিতৰত পৰা বৰডুবীয়া প্ৰাথমিক বিদ্যালয়ৰ সন্মুখৰ পৰা জামুগুৰি চাৰিআলিলৈকে অংশছোৱাৰ পকীবোৰ বখলা-বখলে এৰি গৈ বোকা-পানীৰে উপচি পৰি একেবাৰে শোচনীয় হৈ পৰিছে ৷ ইয়াৰে শেতালি,জামুগুৰি,চমুৱাগাঁও,কোঁচৰগাঁও,ভৰালীচুক, ব্ৰাহ্মনগাঁও,ক্ষেত্ৰিগাঁও,গান্ধী পথাৰ,চাউলখোৱা,চকলাঘাট চাৰিআলি, দৰঙীয়াল গাঁৱৰ অংশবোৰত অসংখ্য সৰু-বৰ গাঁতৰ সৃষ্টি হৈছে ৷ ঠায়ে ঠায়ে পথটোৰ অৱস্থা ইমানেই শোচনীয় যে পথ নে পথাৰ ধৰিবই নোৱাৰি ৷ আনকি খৌৰামুচৰ-বৰডুবীয়া প্ৰাথমিক বিদ্যালয়,গান্ধীজী প্ৰাথমিক বিদ্যালয়,হাতীচোং ছোৱালী উচ্চ মাধ্যমিক বিদ্যালয়ৰ ওচৰত তথা কোঁচৰগাঁও আৰু চমুৱাগাঁৱৰ নামঘৰৰ সন্মুখত আৰু ব্ৰাহ্মগাঁও চাৰিআলিত কেইবাটাও পুখুৰী সদৃশ বৃহৎ দ গাঁতৰ সৃষ্টিৰে পথটো একপ্ৰকাৰে যাতায়াতৰ বাবে বিপদজনক হৈ পৰা দেখা গৈছে ৷ বিগত পঞ্চায়ত নিৰ্বাচনৰ আগে আগে বিধায়িকা আঙুৰলতা ডেকাই স্থানীয় ব্ৰাহ্মণগাঁও চাৰিআলিত পথটিৰ মেৰামতিৰ বাবে এক আধাৰশিলা স্থাপন কৰিছিল যদিও তাৰ কাম এতিয়াও আৰম্ভই হোৱা নাই ৷ সেয়ে অতি ব্যস্ততাপূৰ্ণ পথছোৱা শীঘ্ৰে মেৰামতি কৰাৰ ব্যৱস্থা লৈ বাৰিষাৰ আগেয়ে যাতায়াতৰ উপযোগী কৰি তুলিবলৈ স্থানীয় ৰাইজে বিধায়কদ্বয় আঙুৰলতা ডেকা আৰু ডিম্বেশ্বৰ দাসৰ ওচৰত দাবী জনাইছে ৷
বাৰিষা নৌহওঁতেই পুখুৰী সদৃশ গাঁতেৰে ভৰি পৰিছে ডিমৌ-ৰাইদঙীয়া সংযোগী গড়কাপ্তানী পথ
-
By publisher
![Assam News Today | বাৰিষা নৌহওঁতেই পুখুৰী সদৃশ গাঁতেৰে ভৰি পৰিছে ডিমৌ-ৰাইদঙীয়া সংযোগী গড়কাপ্তানী পথ - Dainik Agradoot | sss](https://i0.wp.com/dainikagradoot.in/wp-content/uploads/2019/04/sss.jpg?fit=1024%2C747&ssl=1)
- Categories: News
- Tags: Assam Government
Related Content
Buckingham Palace Balcony Opens to the Public:সাধাৰণ লোকৰ বাবে মুকলি হ'ল বাকিংহাম পেলেচৰ বেলকনি
By
publisher
July 13, 2024
3 Lakh Palestinians Leave Gaza:অলি-গলিয়ে মৃতদেহৰ স্তূপ !
By
publisher
July 13, 2024
GST:সাত বছৰত দেশত জিএছটি সংগ্রহত অভিলেখ
By
publisher
July 13, 2024
Assam Society of Bangalore organizes Green Move:অসম চ'ছাইটি অৱ বেঙ্গালুৰুয়ে গ্ৰহণ কৰিছে গ্ৰীণ মুভৰ পদক্ষেপ
By
publisher
July 13, 2024