ধৰ্মৰ প্ৰাচীৰ ভেদি এইবাৰো আৰম্ভ হ’ল বিল্বেশ্বৰ দেৱালয়ৰ দুৰ্গা পূজা

মহালয়াৰ দিনাৰ পৰাই আৰম্ভ হ’ল শক্তিপীঠ বেলশৰৰ বিল্বেশ্বৰ দেৱালয়ৰ দূৰ্গা পূজা |দেৱালয়ৰ মূল মন্দিৰত শিল্পীয়ে দিলে ৰং তুলিকাৰ অন্তিম স্পৰ্শ |নাগা‌ক্ষ ৰজাই স্থাপন কৰা এই দেৱালয়ৰ দবা ঘৰ, বেলবৰণ ঘৰ, মূল মন্দিৰ, শিৱ পুখুৰীকে ধৰি বিবাহ ভৱন আদি নান্দনিক ৰূপত সজাই পৰাই তোলা হৈছে |হিন্দু ধর্মৰ লোক সকলৰ লগতে মুছলমান সম্প্ৰদায়ৰ লোক সকলৰ বাবেও এই মন্দিৰত খোলা থাকিব ধৰ্মৰ দুৱাৰ |প্ৰতি বাৰৰ দৰে এইবাৰো মুছলমান লোক সকলৰ বাবে ভোগৰ থাল ৰাখিব মন্দিৰৰ পুৰোহিতে |জাতি ধৰ্ম ভেদি মা দুৰ্গা ক সেৱা জনাব অগণন ভক্ত গণে |ছয় লাখ ভক্তক আদৰিবলৈ সাজু বিল্বেশ্বৰ দেৱালয় |বিল্বেশ্বৰ দেৱালয়ৰ এক ঐতিহাসিক বৈশিষ্ট্য হৈছে ম’হ বলি |নৱমী পূজাৰ দিনা হোৱা এই ম’হ বলিয়ে মনৰ আশা পূৰণ কৰে বুলি বিশ্বাস কৰে ভক্ত গণে |এইবাৰ ৪০টা কৈ ম’হ বলি হ’ব বুলি সমিতিৰ কাৰ্যকর্তাই জানিবলৈ দিছে|