ডিগবৈত চলন্ত ৰে’লৰ পৰা পৰি গ’ল আঠ বছৰীয়া কিশোৰী

ডিগবৈ: তিনিচুকীয়া জিলাৰ ডিগবৈ আৰক্ষী থানাৰ অন্তৰ্গত বগাপানী কলনীৰ সমীপত আজি আবেলি প্ৰায় ৪-৩০ মান বজাত লিডু- গুৱাহাটী নামনিমুৱা ইণ্টাৰচিটি চলন্ত ৰে’লৰ পৰা এগৰাকী আঠ বছৰীয়া কিশোৰী পৰি যোৱা ঘটনাই সমগ্ৰ ডিগবৈ চহৰত চেঁ‌পা উত্তেজনাৰ সৃষ্টি কৰিছে ৷ জানিব পৰা মতে, ঘটনাটো সংগঠিত হোৱাৰ পাছত বগাপানী অঞ্চলৰ স্থানীয় ৰাইজে প্ৰত্যক্ষ কৰি গুৰুত্বৰভাৱে আঘাতপ্ৰাপ্ত অৱস্থাত কিশোৰী গৰাকীক প্ৰাথমিক চিকিৎসাৰ বাবে ডিগবৈ অসামৰিক চিকিৎসালয়লৈ চিকিৎসা কৰোৱায়। অতি আচৰ্য্যকৰ বিষয় যে, বৰ্তমান পৰ্যন্ত কিশোৰীগৰাকীৰ পিতৃ- মাতৃৰ ঠিকনা, পৰিচয় লাভ কৰিবলৈ সক্ষম হোৱা নাই৷ আনহাতে গুৰুত্বৰভাৱে আঘাতপ্ৰাপ্ত হোৱা কিশোৰীগৰাকীক উন্নত চিকিৎসাৰ বাবে ডিব্ৰুগড় অসম চিকিৎসা মহাবিদ্যালয় হস্পিতাললৈ প্ৰেৰণ কৰা হৈছে৷