Aamir Khan And Kitu Gidwani:
ৰাজা হিন্দুস্তানী’ ছবিত আমিৰ খান আৰু কৰিশ্বা কাপুৰৰ দীৰ্ঘসময়ৰ চুম্বনৰ দৃশ্য হয়তো বহুতৰে মনত আছে। সেই দৃশ্যই তেতিয়া চাঞ্চল্যৰ সৃষ্টি কৰিছিল। দীঘলীয়া কেৰিয়াৰত একাধিক ছবিত আমিৰে চুম্বনৰ দৃশ্যত অভিনয় কৰিছে। অথচ প্ৰথম অৱস্থাত কেমেৰাৰ সম্মুখত সহ-অভিনেত্রীক চুম্বন কৰিবলৈ তেওঁ হেনো ভয় কৰিছিল। সম্প্রতি এক সাক্ষাৎকাৰত সেই কথা সদৰী কৰিলে আমিৰ খানৰ প্ৰথম সহ- অভিনেত্রী কিটু গিডৱানীয়ে।
১৯৮৪ত মুক্তি প্ৰাপ্ত কেতন মেহতাই পৰিচালনা কৰা ‘হোলি’ নামৰ ৰাজনৈতিক থ্রিলাৰ ছবিখনে। সেই ছবিতে প্ৰথমবাৰলৈ অভিনয় কৰিছিল আমিৰে। তেওঁৰ চৰিত্ৰটো বৰ ডাঙৰ নাছিল। তেওঁৰ বিপৰীতে কলেজীয়া ছাত্ৰীৰ এটা গুৰুত্বপূৰ্ণ চৰিত্ৰত অভিনয় কৰিছিল কিটুৱে। দূৰদৰ্শনৰ ধাৰাবাহিক ‘এয়াৰ হোষ্টেছ’ৰ বাবে কিটু সেই সময়ত ঘৰে ঘৰে পৰিচিত মুখ আছিল।
সম্প্রতি এক সাক্ষাৎকাৰত কিটুৱে কয় যে ছবিখনত তেওঁৰ আমিৰৰ স’তে এটা চুম্বনৰ দৃশ্য আছিল। সেই দৃশ্যৰ অভিজ্ঞতা বর্ণনা কৰি কিটুৱে কয়, ‘তেতিয়া আমিৰে মাত্ৰ কেৰিয়াৰ আৰম্ভ কৰিছিল। অত্যন্ত পৰিশ্ৰম কৰিব পাৰিছিল। মই জনাই নাছিলো যে তেওঁ ছবিখনত আছে।
অৱশ্যে আমাৰ চুম্বনৰ দৃশ্যৰ চিত্রগ্রহণৰ সময়ত তেওঁ অত্যন্ত চাপত আছিল। কিছু ভয়ো খাইছিল। তেওঁক দেখি মোৰো কিছু ভয় লাগিছিল।’ অভিনেত্ৰী গৰাকীয়ে লগতে জনায় যে ভয় খালেও আমিৰে ভালদৰেই দৃশ্যটোত অভিনয় কৰে। পৰৱৰ্তী সময়ত আমিৰ আৰু কিটুৰ মাজত ঘনিষ্ঠ বন্ধুত্ব গঢ়ি উঠিছিল।
