অৰুনাচলত কৰ’না আক্ৰান্তৰ প্ৰথমটো ঘটনা

অৰুণাচল প্ৰদেশত আজি ক’ৰ’না ভাইৰাছৰ প্রথমটো ঘটনা । ৩১ বছৰীয়া যুৱকজন কৰ’নাত আক্ৰান্ত বুলি সদৰী কৰিছে ৰাজ্যখনৰ মুখ্যমন্ত্ৰী পেমা খাণ্ডুৱে| টুইটাৰ জৰিয়তে মুখ্যমন্ত্ৰী জনে আক্ৰান্ত যুৱকজন দিল্লীৰ নিজামুদ্দিনত তবলিগী জামাতত অংশ লৈ ঘূৰি অহাৰ পাছত ২৪ মাৰ্চৰ পৰা কোৱাৰেণ্টাইত আছিল বুলি সদৰি কৰিছে। লোহিত জিলৰ তেজুৰ এই যুৱকগৰাকীৰ দেহত ক’ৰ’না ভাইৰাছৰ অৱস্থিতি ধৰা পৰা পাছত ৰাজ্যখনত আতংকই বিৰাজ কৰিছে | এটা সূত্ৰৰ প্ৰকাশ, ক’ৰ’নাত আক্ৰান্ত যুৱকজন যোৱা ১৬ মাৰ্চত দিল্লীৰ নিজামুদ্দিনত তবলিগী জামাতত অংশ লৈছিল | লুহিত জিলা প্ৰশাসনে তবলিগী জামাতত অংশ লোৱা  মুঠ সাতগৰাকী লোককো কোৱাৰেণ্টাইনত ৰাখিছে। এই লোকসকলে যোৱা ডিচেম্বৰ মাহত অসমৰ তিনিচুকীয়া জিলাৰ পৰা একেলগে দিল্লীলৈ যাত্ৰা কৰিছিল। যোৱা ১৯ আৰু ২০ মাৰ্চৰ ভিতৰত নামছাই, লোহিত আৰু ইটানগৰলৈ উভতি আহিছিল। এই সাতগৰাকী লোকে দিল্লীৰ তবলিগী জামাতত অংশ লোৱাৰ বিপৰীতে উত্তৰ প্ৰদেশত বাহৰ পাতিছিল।