Meghalaya:
পশ্চিম গাৰো পাহাৰ স্বায়ত্তশাসিত জিলা পৰিষদৰ নির্বাচনক লৈ তুৰাত সৃষ্টি হোৱা অগ্নিগৰ্ভা পৰিস্থিতিৰ মাজতে মঙলবাৰে পুৱা পশ্চিম গাৰো পাহাৰত সান্ধ্য আইন বলবৎ কৰাৰ সময়ত নিৰাপত্তা বাহিনীয়ে অবৈধ সমাবেশক ছত্ৰভংগ দিয়াৰ চেষ্টা চলোৱাৰ সময়তে আৰক্ষীৰ গুলীচালনাত দুজন লোক নিহত হয়।
পশ্চিম গাৰো হিলছৰ আৰক্ষী অধীক্ষক আব্ৰাহাম টি চাংমাই এই কথা নিশ্চিত কৰি কয় যে নিশাৰ সান্ধ্য আইনত ৰাইজক নিয়ন্ত্ৰণ কৰিবলৈ চেষ্টা কৰাৰ পিছত আৰক্ষীয়ে গুলীচালনা কৰে। “নিশা কাৰ্ফিউ বলবৎ কৰাৰ সময়ত বিষয়াসকলে অবৈধ সমাৱেশক ছত্ৰভংগ দিয়াৰ সময়তে মঙলবাৰে পুৱা আৰক্ষীৰ গুলীচালনাত দুজন লোক নিহত হয়,” ছাংমাই কয় আৰু লগতে কয় যে “বৰ্তমান পৰিস্থিতি নিয়ন্ত্ৰণত আছে।”
ইয়াৰ পূৰ্বে সোমবাৰে নিশা তুৰাৰ চিবিনাং অঞ্চলত দুস্কৃতিকাৰীয়ে জ্বলাই দিয়ে কেইবাখনো আগৰৰ ব্যৱসায়ৰ ব্যৱসায়িক প্রতিষ্ঠান ৷ একেদৰে তুৰাৰ মছজিদৰ দুই ইমাককো শাৰিৰীকভাৱে প্ৰহাৰ কৰে দুস্কৃতিকাৰীয়ে ৷
স্বায়ত্ত শাসিত জিলা পৰিষদৰ নির্বাচনক কেন্দ্ৰ কৰি সৃষ্টি হোৱা উত্তপ্ত পৰিস্থিতিৰ বাবে সোমবাৰে নিশা ১২ বজাৰ পৰা কাৰ্যকৰী হোৱাকৈ মেঘালয় চৰকাৰে পশ্চিম গাৰো পাহাৰত কৰ্তন কৰিছে ইণ্টাৰনেট সেৱা ৷ লগতে মোতায়েন কৰিছে আৰক্ষী- অৰ্ধ সামৰিক বাহিনী ৷ বৰ্তমানেও চেপা উত্তেজনা অব্যাহত আছে তুৰাত ৷
উল্লেখ্য যে সোমবাৰে দিনৰ ভাগৰ পৰাই পশ্চিম৷ গাৰো হিলছ স্বায়ত্ত শাসিত জিলা পৰিষদৰ নির্বাচনক লৈ তুৰাত তীব্ৰ প্ৰতিক্ৰিয়াৰ সৃষ্টি হৈছিল I অ-জনজাতীয় প্রার্থীয়ে নির্বাচন খেলাক লৈ তীব্র বিৰোধীতা কৰে স্থানীয় গাৰো সম্প্ৰদায়ৰ লোকে ৷ যাৰ ফলস্বৰূপেই ফুলবাৰীৰ প্ৰাক্তন বিধায়ক ইছতাউৰ মোমিনিন, প্ৰাক্তন বিধায়ক ইনামুল হকে পাৰিষদ হিচাপে মনোনয়নপত্ৰ দাখিলৰ সময়ত একাংশ উত্তেজিত লোকে দুয়োকে আক্ৰমণ কৰিছিল ৷৷ ইয়াৰ পিছতে পৰিস্থিতি অনিয়ন্ত্ৰিত হৈ পৰে ৷
