লকডাউন উলংঘা,ছ’চিয়েল মিডিয়াত সাম্প্ৰদায়িক মন্তব্য কৰা সকলৰ বিৰুদ্ধে সৰৱ আৰক্ষী

কৰ’না মহামাৰী নিয়ন্ত্ৰণৰ কাৰণে দিয়া ২১ দিনীয়া লকডাউন আৰু ছ’চিয়েল মিডিয়াত সাম্প্ৰতিকদায়িক মন্তব্য দিয়া সকলৰ বিৰুদ্ধে কঠোৰ হৈছে  টংলা আৰক্ষী ৷ উৰাবাতৰি বিয়পোৱাৰ সন্দৰ্ভত টংলাৰ জগন্নাথঝাৰ নিবাসী কুমুদ শৰণীয়াৰ পুত্ৰ কৃশানু শৰণীয়াক গ্ৰেপ্তাৰ কৰি টংলা থানাত ভাৰতীয় দণ্ড বিধি অধীনত ৫৮/২০২০ নং গোচৰ ৰজু কৰি জেললৈ প্ৰেৰণ কৰে ৷লগতে এক বিশেষ সম্প্ৰদায়ৰ বিৰুদ্ধে কটু মন্তব্য কৰি পৰিবেশ বিনষ্ট কৰাৰ অপৰাধত জগন্নাথঝাৰ নিবাসী সন্তোষ বৰ্মনৰ পুত্ৰ বিশ্বজিত বৰ্মনক গ্ৰেপ্তাৰ কৰি ভাৰতীয় দণ্ড বিধিৰ অধীনত টংলা থানাত ৫৭/২০২০ গোচৰ ৰজু কৰি কাৰাগাৰলৈ প্ৰেৰণ কৰে ৷ইফালে লকডাউনৰ সময়ত নীতি নিৰ্দেশনা অমান্য কৰাৰ অপৰাধত টংলা আৰক্ষীয়ে বিভিন্ন স্থানৰ পৰা ১০ খল বাইক জব্দ কৰিছে ৷ এই ক্ষেত্ৰত টংলা আৰক্ষীৰ ভাৰপ্ৰাপ্ত বিষয়া সোমেশ্বৰ কোঁৱৰে ৰাইজক লক ডাউন মানি সামজিক দূৰত্ব বৰ্তাই উৰাবাতৰি বিয়পোৱাৰ পৰা দূৰত থাকিবলৈ সকলোকে আহ্বান কৰে ৷