মৰিগাঁৱৰ  জমা ধন উলিয়াবলৈ গৈ সামাজিক দূৰত্বক ভেঙুচালি 

কৰ’নাৰ ভাইৰাছ সংক্ৰমণ ৰোধ কৰাৰ লক্ষ্যৰে দেশজুৰি অব্যাহত তলাবন্ধ জৰিয়তে সকলোকে সামাজিক দূৰত্ব বজাই ৰাখিবলৈ আহ্বান জনোৱা হৈছে যদিও  সকলো নীতি-নিৰ্দেশনাক ৰাজ্যত জ্বলাঞ্জলি দি আহিছে বহুলোকে | জমা ধন উলিয়াবলৈ গৈ একাংশই বেংকৰ সন্মুখত এইদৰে শাৰী পতাৰ পৰিলক্ষিত হৈছে । যিটো সময়ত সকলোকে এত মিটাৰ ব্যৱধান ৰাখিবলৈ কোৱা হৈছে সেই সনয়তে গাতে গা লগাই শতাধিক লোকে পুৱাৰ পৰা শাৰী পাতি ৰৈ আছে বেংকৰ সন্মুখত। এই কাৰ্য্য সংঘটিত হৈছে মৰিগাঁও জিলাৰ গড়মাৰীত। ইউনিয়ন বেংক অফ ইণ্ডিয়াৰ গড়মাৰীৰ শাখাৰ সন্মুখত শুক্ৰবাৰে পুৱাৰ পৰা দেখা গ’ল গ্ৰাহকৰ তিনিটাকৈ দীঘলীয়া শাৰী। চৰকাৰী বিভিন্ন আঁচনিৰ ধন গ্ৰাহকৰ একাউন্টত জমা হোৱাৰ পিছত  বেংকৰ সন্মুখত ৰৈ জমা ধন উলিয়াবলৈ এইদৰে  গ্ৰাহকসকলে ভিৰ কৰাৰ পৰিলক্ষিত হৈছে। সামাজিক দূৰত্বক ভেঙুচালি কৰি গ্ৰাহক সকলে এইদৰে শাৰী পতাক লৈ প্ৰতিক্ৰিয়াৰো সৃষ্টি হৈছে।