প্ৰতিখন জিলাৰ উপায়ুক্তৰ স’তে স্বাস্থ্যমন্ত্ৰীৰ ভিডিঅ’ বাৰ্তালাপ

ৰাজ্যৰ প্ৰতিখন জিলাৰ উপায়ুক্তৰ স’তে স্বাস্থ্যমন্ত্ৰী ড০ হিমন্ত বিশ্ব শৰ্মাই দেওবাৰে ভিডিঅ’ বাৰ্তালাপৰ জৰিয়তে জিলাসমূহৰ সামগ্ৰীক পৰিস্থিতি পৰ্যালোচনা কৰে | এই বৈঠকৰ সংক্ৰান্তত মন্ত্ৰীজনে কয় যে সকলো জিলাৰ উপায়ুক্তসকলৰ স’তে ভিডিঅ’ কনফাৰেঞ্চিং ব্যৱস্থাযোগে বাৰ্তালাপ কৰি ক’ভিড-১৯ সংক্ৰমণ ৰোধৰ অৰ্থে সম্প্ৰতি ৰাজ্যত জনসাধাৰণৰ ঘৰে ঘৰে গৈ স্বাস্থ্য পৰীক্ষা, তেজৰ নমুনা সংগ্ৰহৰ বাবে চলি থকা কাৰ্যসূচীৰ অগ্ৰগতিৰ পুণৰীক্ষণ কৰিলোঁ ৷ ৰাজ্যখনত ক’ভিড-১৯ৰ অধিক সংক্ৰমণ ৰোধ কৰিবলৈ হলে আমি আমাৰ পদক্ষেপসমূহ অধিক ক্ষীপ্ৰ কৰিব লাগিব ৷