প্ৰাক্তন হকী খেলুৱৈ বলবীৰ সিঙ পৰলোকঃ মুখ্যমন্ত্ৰীৰ শোক প্ৰকাশ

আধুনিক অলিম্পিক ইতিহাসৰ ১৬জন মহান খেলুৱৈৰ মাজৰ অন্যতম বলবীৰ সিং (জেষ্ঠ্য) আৰু নাই | ভাৰতীয় হকী দলৰ প্ৰাক্তন খেলুৱৈ তথা তিনিবাৰ অলিম্পিকৰ স্বৰ্ণ পদক বিজেতা বলবীৰ সিঙৰ মৃত্যুৱে শোকস্তব্ধ কৰি তুলিছে দেশবাসীক । বিগত আঠ মে’ৰ পৰা পঞ্জাৱৰ মহালীৰ এখন হস্পাতালত চিকিৎসাধীন অৱস্থাত থকা সিঙে সোমবাৰে পুৱা ৯৫বছৰ বয়সত শেষ নিশ্বাস ত্যাগ কৰে । মহান খেলুৱৈজনৰ মৃত্যুত মুখ্যমন্ত্ৰী সৰ্বানন্দ সোণোৱালে গভীৰ শোক ব্যক্ত কৰিছে  | উল্লেখ্য যে, আন্তঃৰাষ্ট্ৰীয় অলিম্পিক সংস্থাই সিঙক আধুনিক অলিম্পিক ইতিহাসৰ ১৬জন মহান খেলুৱৈৰ মাজত স্থান দিছিল।