২০২০ বৰ্ষৰ ৰাজীৱ গান্ধী খেল ৰত্ন বটাঁৰ কাৰণে মনোনীত ধিং এক্সপ্ৰেছ হিমা দাস

ক্ৰীড়া প্ৰেমীসকললৈ সুখবৰ ৷ অসম চৰকাৰে ধিং এক্সপ্ৰেছ হিমা দাসক ২০২০ বৰ্ষৰ ৰাজীৱ গান্ধী খেলৰত্ন বটাঁৰ বাবে মনোনীত কৰিছে । কৰ’না ভাইৰাছ সন্ত্ৰাসৰ মাজতে এই খবৰে ধিঙৰ লগতে অসমলৈ আনন্দৰ বতৰা কঢ়িয়াই আনিছে  ৷ ২০১৯ বৰ্ষত হিমাই পাঁচটা আন্তৰাষ্ট্ৰীয় সোণৰ পদক লাভ কৰিছিল ৷লগতে খেলত দেখুওৱা অভূতপূৰ্ব সাফল্যৰ কাৰণে ইতিমধ্যে হিমাক ভাৰত চৰকাৰে আগবঢ়াইছে অৰ্জুন বটাঁ ৷ উল্লেখযোগ্য যে হিমা দাসে ২০২১ চনত হ’ব লগা ট’কিঅ’ অলিম্পিকত অংশ ল’ব ৷ ট’কিঅ’ অলিম্পিক ২০২০ বৰ্ষতেই অনুষ্ঠিত হোৱা কথা আছিল যদিও কৰ’না ভাইৰাছৰ কাৰণে বাতিল কৰা হয় ৷