মহানগৰীত জ্বলিল চীনৰ পতাকা, ৰাষ্ট্ৰ প্ৰধানৰ প্ৰতিমূৰ্তি

সোমবাৰে নিশা ভাৰতীয় সেনাবাহিনীৰ ওপৰত চীনা সৈন্যৰ ভয়ংকৰ আক্ৰমণত ২০ জন বিষয়া জোৱানে প্ৰাণ হেৰুওৱা ঘটনাই প্ৰতিজন ভাৰতীয়ক ব্যৰ্থিত কৰি তুলিছে ৷ দেশত ক্ৰমান্বয়ে চীনৰ বিৰুদ্ধে প্ৰতিবাদৰ মনোভাৱ গঢ় লৈ উঠিছে । চীনা সামগ্ৰী বৰ্জনৰ লগতে ধ্বংস কৰাৰ দাবী উঠিছে ৷ তাৰ মাজতে বৃস্পতিবাৰে মহানগৰীত ৰাষ্ট্ৰীয় বজৰং দল আৰু আন্তঃৰাষ্ট্ৰীয় হিন্দু পৰিষদৰ যৌথ উদ্যোগত চীনৰ পতাকা দাহ আৰু চীনৰ ৰাষ্ট্ৰ প্ৰধান জিন পিঙৰ প্ৰতিমূৰ্তি দাহ কৰি তীব্ৰ প্ৰতিবাদ সাব্যস্ত কৰে | লগতে  প্ৰতিবাদকাৰীসকলে চীনা সামগ্ৰী বৰ্জন কৰিবলৈ দাবী উত্থাপন কৰে |