বলীউডৰ অভিনেত্ৰী সুস্মিতা সেনে শেহতীয়াকৈ “আৰ্য়া”নামৰ এখন ৱেব চিৰিজৰ জৰিয়তে অনুৰাগীসকলৰ মাজলৈ আহিছে ৷ সেইসময়তে “Maine pyaar kyun kiya”, “বিবী নাম্বাৰ ওৱান” আদি ছবিৰ সহ অভিনেতা ছলমান খানে “আৰ্য়া”ৰ প্ৰথম এপিছডটো চাই প্ৰশংসাৰে ওপচাই পেলাই অভিনেত্ৰী সুস্মিতাক। ছলমানে টুইটাৰ যোগে সুস্মিতাক প্ৰশংসা কৰি লিখে ” Swagat toh karo Aarya ka, What a comeback and what a show .সুস্মিতা সেন বহুত শুভেচ্ছা আৰু বহুত মৰম ৷” আনহাতে ছলমানে ফিল্মী ষ্টাইলত কৰা প্ৰশংসাক ইতিমধ্যে আদৰি লৈছে অনুৰাগীয়ে। লগতে ছলমানে সুস্মিতাৰ অভিনয়ক প্ৰশংসা কৰিবলৈ গৈ অভিনেতাজনৰ ছবি Wantedৰ এটা সংলাপ আওৰাই কয়” এবাৰ যদি মই প্ৰথম এপ্ৰিচডটো চাওঁ ৷
ইয়াৰ পিছত বাকী এপ্ৰিচডকেইটা নোচোৱাকৈ নুঠো ৷ জনপ্ৰিয় “নিৰজা”ৰ দৰে ছবি পৰিচালনা কৰা ৰাম মাধৱানীৰ “আৰ্য়া” হৈছে এগৰাকী সাধাৰণ মহিলা কেনেকৈ আন্তঃৰাষ্ট্ৰীয় পৰ্যায়ৰ ড’নলৈ ৰূপান্তৰিত হয় তাৰেই কাহিনী ৷ এই প্ৰসংগ সুস্মিতাই কয় “ভগৱানৰ আশীৰ্বাদত মই এটা শক্তিশালী কাহিনীত অভিনয় কৰিবলৈ পাইছো । লগতে হটষ্টাৰৰ দৰে এখন প্লেটফৰ্মও পাইছো ৷ মই মোৰ সৰ্বস্ব দি অভিনয় কৰিছো ৷ আশা কৰো সকলোৱে আদৰি ল’ব ৷ উল্লেখযোগ্য যে বলীউডৰ সকলোতকৈ প্ৰিয় অভিনেত্ৰীসকলৰ ভিতৰত অন্যতম সুস্মিতাক আকৌ পৰ্দাত দেখিবলৈ পায় আনন্দ অনুভৱ কৰিছে সকলো অনুৰাগীয়ে।