প্ৰধানমন্ত্ৰী নৰেন্দ্ৰ মোদীয়ে ১৫ জুনত গালৱান উপত্যকাত হোৱা সংঘৰ্ষত আহত হোৱা জোৱানসকলক শুক্ৰবাৰে স্বাস্থ্যৰ বুজ লয় ।লগতে জোৱানসকলক কয়” সমগ্ৰ বিশ্বই আপোনালোকৰ পৰাক্ৰমক বিশ্লেষণ কৰিছে ।আপোনালোকে বীৰতাৰে যুদ্ধ কৰিছে ৷যিসকল জোৱানে আমাক এৰি থৈ গুচি গ’ল,তেওঁলোকো বীৰেই আছিল। আপোনালোক সকলো একত্ৰিত হৈ উচিত প্ৰত্যুত্তৰ দিলে ৷আপোনালোক আহত হৈ চিকিৎসালয়ত আছে কাৰণে এই সন্দৰ্ভত আপোনালোকৰ কোনো ধাৰণা নাই।
সমগ্ৰ দেশৰ জনতাই সম্প্ৰতি আপোনালোকৰ কাৰণে গৌৰৱ অনুভৱ কৰিছে ৷আজি সমগ্ৰ বিশ্বৰ সাম্প্ৰতিক পৰিস্থিতিত আমাৰ দেশৰ জোৱানসকলৰ পৰাক্ৰম কি তাৰেই বাৰ্তা প্ৰেৰণ কৰিছে ৷সমগ্ৰ বিশ্বই আপোনালোকৰ ট্ৰেইনিং,ত্যাগৰ বিষয়ে জানিবলৈ উৎসুক হৈ পৰিছে ৷লগতে আপোনালোকৰ পৰাক্ৰমক বিশ্লেষণ কৰিছে ৷
মোদীয়ে কয় ” আমাৰ দেশ আত্মনিৰ্ভৰশীল হওক ৷আপোনালোকৰ দৰে বীৰসকলৰ কাৰণে মই দৃঢ়তাৰে ক’ব পাৰিছো যে বিশ্বৰ যিকোনো শক্তিৰ আগত কেতিয়াও আমাৰ দেশে শিৰ নত নকৰে ৷লগতে আহত জোৱানসকলৰ আশুআৰোগ্য কামনা কৰে প্ৰধানমন্ত্ৰী মোদীয়ে ৷উল্লেখযোগ্য যে ভাৰত চীন সীমান্তৰ গালৱান উপত্যকাত হোৱা সংঘৰ্ষত ২০ জন জোৱান শ্বহীদ হৈছিল। ইয়াৰ পিছতেই দুয়ো দেশৰ মাজত তীব্ৰ উত্তেজনাই বিৰাজ কৰি আছে ৷