ফেচবুকত মুখ্যমন্ত্ৰীক সমালোচনা কৰি আটক গুৱাহাটী বিশ্ববিদ্যালয়ৰ ছাত্ৰ

সামাজিক মাধ্যম ফেচবুকত মুখ্যমন্ত্ৰী সৰ্বানন্দ সোণোৱালক সমালোচনা কৰি আৰক্ষীৰ ৰোষত পৰিল গুৱাহাটী বিশ্ববিদ্যালয়ৰ মেধাৱী ছাত্ৰ | গুৱাহাটী আৰক্ষী অপৰাধ শাখাৰ গোচৰ ভিত্তিত শিৱসাগৰ আৰক্ষীয়ে ডিমৌৰ নিজ গৃহৰ পৰা আটক কৰিছে দ্বীপজ্যোতি গগৈ নামৰ ছাত্ৰজনক |

উল্লেখ্য যে নাগৰিকত্ব সংশোধনী বিধেয়ক বিৰোধী আন্দোলনতো সক্ৰিয়ভাৱে অংশগ্ৰহণ কৰিছিল ছাত্ৰজনে | শেহতীয়াকৈ ফেচবুকত মুখ্যমন্ত্ৰী সৰ্বানন্দ সোণোৱালক সমালোচনা কৰা এক প’ষ্টৰ ভিত্তিত ভাৰতীয় দণ্ডবিধিৰ ৪২০, ৪১৯ আৰু ৬৬ (এ) ধাৰাত ছাত্ৰজনৰ বিৰুদ্ধে গোচৰ ৰুজু কৰা হৈছিল | শিৱসাগৰ আৰক্ষীয়ে ছাত্ৰজনক আটক কৰি গুৱাহাটী আৰক্ষীক গতাই দিছে |