কংগ্ৰেছৰ অধ্যক্ষা ছোনিয়া গান্ধীক হঠাতে চিকিৎসালয়ত ভৰ্তি

কংগ্ৰেছৰ অধ্যক্ষা ছোনিয়া গান্ধীক আজি দিল্লীৰ শ্ৰী গংগা ৰাম চিকিৎসালয়ত ভৰ্তি কৰোৱা হৈছে । চিকিৎসালয় কৰ্তৃপক্ষৰ মতে ছোনিয়া গান্ধীৰ স্বাস্থ্য সম্প্ৰতি সুস্থিৰ । তেওঁৰ অহৰহ স্বাস্থ্যৰ পৰীক্ষা কৰি থকা হৈছে ।বৃহস্পতিবাৰে শ্ৰী গংগাৰাম চিকিৎসালয়ৰ সঞ্চালক ড° ডি এছ ৰানাই কোৱা অনুসৰি “কংগ্ৰেছৰ অধ্যক্ষ ছোনিয়া গান্ধীক আজি বিয়লি সাত বজাত শ্ৰী গংগাৰাম চিকিৎসালয়ত ভৰ্তি কৰোৱা হয় । তেওঁক সম্পূৰ্ণ চিকিৎসকৰ তত্ত্বাৱধানত ৰখা হৈছে আৰু স্বাস্থ্য বৰ্তমান সুস্থিৰ ।” উল্লেখযোগ্য যে ছোনিয়া গান্ধীক ড° অৰূপ কুমাৰ বাসুৰ তত্ত্বাৱধানত চিকিৎসা কৰি থকা হৈছে ৷