বাটৰুৱা কুকুৰৰো যে কেতিয়াবা ভাগ্যচক্ৰ ঘূৰিব পাৰে সেই কথা কোনেও হয়তো কেতিয়াও ভাবি নাচায় । মানুহতকৈও বেছি সন্মান লাভ কৰিব পাৰে এটা কুকুৰে । এনে এক ঘটনাই সংঘটিত হ’ল ব্ৰাজিলৰ এছপিতো সান্তোৰ অঞ্চলত ।
উক্ত অঞ্চলটোত অৱস্থিত হুণ্ডাই শ্ব’ৰূম এটাত টিছকন প্ৰাইম নামৰ কুকুৰটোৰ কাম-কাজত সন্তষ্ট হৈ এতিয়া কোম্পানীটোৰ শ্ব’ৰূমটোৰ এম্বেচাদৰ ৰূপে নিয়োগ কৰিছে । কুকুৰটোৱে সম্পাদন কৰা কাৰ্যক লৈ ছ’চিয়েল মিডিয়াত খলকনিৰ সৃষ্টি কৰিছে ।
শ্ব’ৰূমটোৰ কৰ্মী সকলে কুকুৰটোক বন্ধুৰ দৰে মৰম কৰিবলৈ ধৰাত শ্ব’ৰূমটোৰ কাম-কাজত যুক্ত কৰিবলৈ সিদ্ধান্ত গ্ৰহণ কৰে । এই শ্ব’ৰূমটোৰ ইনষ্টাগ্ৰামৰ একাউন্টত এই সকলো বোৰ ঘটনা প্ৰকাশ কৰা হৈছে।ইনষ্টাগ্ৰামত প্ৰকাশিত এই কুকুৰটোৰ ডিঙিত পৰিচয়পত জিলিকি আছে ।তদুপৰি ছবিখনৰ কেপচনত লিখা আছে, ‘হুণ্ডাই পৰিয়ালৰ নতুন সদস্য স্বাগতম ।’