বুধবাৰে ভাৰতত ঐতিহাসিক ৰাম মন্দিৰত হোৱা ভূমি পূজনে চকুৰ টোপনি হৰিছে পাকিস্তানৰ। ভূমি পূজনক লৈ ইমৰান খানৰ চৰকাৰৰ মন্ত্ৰী সভাৰ উপৰিও এই সন্দৰ্ভত বিদেশ মন্ত্ৰ্যালয়েও নিজৰ প্ৰতিক্ৰিয়া প্ৰকাশ কৰিছে। কিন্তু ভাৰতে আজি এই সন্দৰ্ভত তীক্ষ্ণ শব্দৰে উত্তৰ দিয়ে চিৰ বৈৰী পাকিস্তানক ৷
ভাৰতৰ বৈদেশিক মন্ত্ৰণালয়ে কয় “বিভিন্ন ৰাষ্ট্ৰলৈ সন্ত্ৰাসবাদী প্ৰেৰণ কৰা পাকিস্তানে আমাৰ ভিতৰুৱা বিষয়ত দখল নিদিয়াই ভাল ৷পাকিস্তানে সকলোতকৈ আগতে নিজৰ দেশৰ সংখ্যালঘুসকলক নিজৰ অধিকাৰ,সা সুবিধা প্ৰদান কৰক।”
উল্লেখযোগ্য যে, প্ৰধানমন্ত্ৰী নৰেন্দ্ৰ মোদীয়ে বুধবাৰে অযোধ্যাত কৰা ভূমিপূজনৰ বিষয়ে পাকিস্তানৰ ৰেল মন্ত্ৰীয়ে শ্বেখ ৰশীদে উচতনি মূলক মন্তব্য দিছিল। ইপিনে অযোধ্যাত হোৱা ৰাম মন্দিৰৰ ভূমি পূজনৰ পিছৰে পৰা পাকিস্তানৰ ক্ৰিয়া প্ৰতিক্ৰিয়া অব্যাহত আছে ৷
ইয়াৰ প্ৰত্যুত্তৰত ভাৰতীয় বৈদেশিক মন্ত্ৰণালয়ৰ প্ৰবক্তা অনুৰাগ শ্ৰীবাস্তৱে কয়” আমি ইছলামিক ৰিপাব্লিক অফ পাকিস্তানৰ ভাষ্য প্ৰত্যক্ষ কৰিছো ৷ তেওঁলোকে ভাৰতৰ ভিতৰুৱা বিষয়ত দখল নিদিয়াটোৱেই ভাল ৷ লগতে সাম্প্ৰদায়িকতাৰ বীজ বিয়পোৱা কথাৰ পৰাও বিৰত থাকিব লাগে পাকিস্তান ৷ অৱশ্যে সন্ত্ৰাসবাদীক সীমা পাৰ কৰি চুবুৰীয়া দেশলৈ প্ৰেৰণ কৰা পাকিস্তানৰ পৰা এনে ধৰণৰ মন্তব্যত আচৰিত হোৱা নাই বুলি কয় অনুৰাগ শ্ৰীবাস্তৱে ৷নিজৰ সংখ্যালঘুসকলক কোনো অধিকাৰ প্ৰদান নকৰে দেশখনে ৷
গতিকে পাকিস্তানৰ এনে ধৰণৰ সাম্প্ৰদায়িকতাৰ বীজ বিয়পোৱা মন্তব্যক গৰিহনা দিয়ে অনুৰাগ শ্ৰীবাস্তৱে ৷ উল্লেখযোগ্য যে বুধাবাৰে ইমৰান খান চৰকাৰৰ ৰেল মন্ত্ৰী শ্বেখ ৰশীদে কৈছিল যে ভাৰত এতিয়া ৰাম নগৰলৈ ৰূপান্তৰিত হ’ল ৷ ভাৰতত সাম্প্ৰদায়িকতা বৃদ্ধি পাইছে। লগতে ভাৰতত ধৰ্মনিৰপেক্ষতাৰো অৱসান ঘটিল ৷ দেশখনত সম্প্ৰতি সংখ্যালঘূসকল বিপদত পৰিছে ৷ভাৰত এতিয়া শ্ৰীৰামৰ হিন্দুত্বত বিলীন হৈ গৈছে ৷
