আজি খানাপাৰাৰ অসম প্ৰশাসনিক কলেজত মুখ্যমন্ত্ৰী সৰ্বানন্দ সোনোৱালৰ মন্ত্ৰীসভাৰ এক গুৰুত্ব পূৰ্ণ বৈঠক অনুষ্ঠিত হয় ৷এই বৈঠকত কে’বাটাও গুৰুত্ব পূৰ্ণ সিদ্ধান্ত লোৱা হয় ৷ ইয়াৰ ভিতৰত
লাইব্ৰেৰীয়ান সকলৰ পাৰিশ্ৰমিক ৯০০ টকাৰ পৰা ১২০০০ হাজাৰ টকালৈ বৃদ্ধিৰ সিদ্ধান্ত লোৱা হয় সোনোৱাল মন্ত্ৰীসভাৰ বৈঠকত। লগতে লাইব্ৰেৰীয়ানসকলৰ সহায়কসকলে পোৱা ৫৫০ টকাৰ পাৰিশ্ৰমিক ৯৫০০ টকালৈ বৃদ্ধি কৰা হয় ।
এই বৈঠকত বেচৰকাৰী বিদ্যালয়ৰ মাচুলৰ ক্ষেত্ৰত সিদ্ধান্ত লোৱা হয় ৷ এতিয়াৰে পৰা কমিটিয়ে নিৰ্ধাৰণ কৰিব বেচৰকাৰী বিদ্যালয়ৰ মাচুল ৷
আনহাতে ব্যৱসায়ীসকলৰ ক্ষেত্ৰত ষ্ট্ৰীট ভেণ্ডৰ এক্টৰ মতে ব্যৱসায়ৰ স্থান নিৰ্ধাৰণ কৰা হ’ব। এই ক্ষেত্ৰত জৰীপৰ সিদ্ধান্ত ল’ব ৰাজ্য চৰকাৰে ৷
ইপিনে বজালী মহকুমাক পূৰ্ণাংগ জিলাৰ অনুমোদন দিয়া হৈছে এই বৈঠকত ৷বজালীত সৃষ্টি কৰা হৈছে ৮৫ টা নতুন পদ ।
আজি বৈঠকখনত ৰাজ্যত নতুনকৈ ৬৮৮ খন বাছ চলোৱাৰ সিদ্ধান্ত লোৱা হয় ।ইয়াৰ ৰাজ্যিক ৰাজধানী অঞ্চলত ২৩৩ খন,কম দূৰত্বত ১৪৭ খন,দীৰ্ঘ দূৰত্বত ২৩৮ বাছ চলিবলৈ দিয়া হ’ব ৷আনহাতে দীৰ্ঘ দূৰত্বৰ বাছসমূহ চলিব এ এছ টি চিৰ অধীনত ৷
লগতে ৰাজ্যত বান পৰিস্থিতিৰ প্ৰতি লক্ষ্য ৰাখি SDRF ৰ আন দুটা নতুন বেটেলিয়ন সৃষ্টিৰ সিদ্ধান্ত গ্ৰহণ কৰা হয় ।