গুৱাহাটী মহানগৰীৰ এক নং ৱাৰ্ডৰ লংকেশ্বৰ তৰুণ নগৰ নিবাসী বি বৰুৱা মহাবিদ্যালয়ৰ হিন্দী বিভাগৰ সদ্য অৱসৰপ্ৰাপ্ত মুৰব্বী অধ্যাপক ডঃ ধনেশ্বৰ কলিতাৰ সোমবাৰে হৃদৰোগত আক্ৰান্ত হৈ আকস্মিক ভাৱে মৃত্যু হয়। যোৱা ৩১ জুলাইত অৱসৰ গ্ৰহণ কৰা কলিতা বি বৰুৱা মহাবিদ্যালয়ৰ ৰাষ্ট্ৰীয় শিক্ষাৰ্থী বাহিনীৰ ১ অসম বেটেলিয়ান এন চি চি ৰ কেপ্তেইন আছিল ।
মৃত্যুৰ সময়ত তেওঁ পত্নী, পুত্ৰ-জীয়ৰীৰ লগতে বহু আত্মীয়-স্বজন এৰি থৈ যায় । ইফালে অঞ্চলটোৰ বিভিন্ন অনুষ্ঠান – প্ৰতিষ্ঠানৰ লগত জড়িত অধ্যাপক গৰাকীৰ আকস্মিক মৃত্যুৰ বাতৰি বিয়পি পৰাৰ লগে লগে এক শোকাকুল পৰিৱেশৰ সৃষ্টি হয় । বিয়লি ধাৰাপুৰ ৰাজহুৱা শ্মশানত তেওঁৰ শেষকৃত্য সম্পন্ন কৰা হয় ।