‘HBO Max’ৰ আহিবলগীয়া ৱেব চিৰিজ ‘A World of Calm’ত অংশগ্ৰহণ কৰিছে গ্লবেল আইকন প্ৰিয়ংকা চোপ্ৰা আৰু হলিউদৰ তাৰকা কেট উইন্সলেটে । ১ অক্টোবৰত মুক্তি পাবলগীয়া ৱেব চিৰিজখনৰ সন্দৰ্ভত মঙলবাৰে পুৱা টুইট কৰে প্ৰিয়ংকা চোপ্ৰাই । ৱেব চিৰিজ খনত আধা ঘণ্টাৰ ১০ টা খণ্ড উপভোগ কৰিব পাৰিব দৰ্শকে, য’ত প্ৰত্যেকটো খণ্ডত আশ্চৰ্যজনক দৃশ্য আৰু দৰ্শকৰ বাবে শান্ত অনুভৱৰ ৰূপত সুখদায়ক বৰ্ণনাৰে নিৰ্মাণ কৰা হৈছে ।
‘A World of Calm’ নামৰ ৱেব চিৰিজখন মানসিক স্বাস্থ্য সজাগতা এপ Calm আৰু প্ৰডাকচন হাউচ Nutopiaই যুটীয়াভাৱে নিৰ্মাণ কৰিছে । ৱেব চিৰিজখনত অন্তৰ্ভুক্ত হৈছে বহু কেইজন তাৰকাই- মহেৰচলা আলি, ঈদৰিছ ইল্বা, অস্কাৰ ইসাক, নিক’ল কিডমেন, জ’ ক্ৰাভিট্জ, লোসী লিও, সিলীয়ন মাৰ্ফি আৰু কীয়ানু ৰিব্স । Purple Pebble Pictures প্ৰডাকচন হাউচৰ স্বত্বাধিকাৰী প্ৰিয়ংকা চোপ্ৰাই আমাজনত আহিবলগীয়া ছবি Evil Eye ত সহ-প্ৰযোজনা কৰিছে।
আনহাতে, আগন্তুক দিনত Netflixৰ The White Tiger চিনেমাখনত দেখা যাব প্ৰিয়ংকা চোপ্ৰাক । ইয়াৰ উপৰিও আমাজনৰ সংগীতৰ বিষয়ভুক্ত এটা অনুষ্ঠানত প্ৰিয়ংকা চোপ্ৰাই নিক জ’নাছৰ স’তে পৰিচালনা কৰিছে। এই বৰ্ষৰ আৰম্ভণিতে প্ৰিয়ংকাই আমাজনৰ স’তে বহু মিলিয়ন ডলাৰৰ চুক্তিত চুক্তিবদ্ধ হৈছে ।
