ৰাজ্যসভাৰ উপসভাপতি হৰিবংশ নাৰায়ণ সিঙৰ বিৰুদ্ধে তীব্ৰ কটাক্ষ কৰি ৰাজ্যসভাৰ সাংসদ কে কে ৰাগেশে এখন পত্ৰ প্ৰেৰণ কৰিছে ৷ ৰাজ্যসভাৰ পৰা নিলম্বিত হোৱা আঠজন বিধায়কৰ ভিতৰত কে কে ৰাগেশ অন্যতম ৷
CPI (M)ৰ সাংসদ কে কে ৰাগেশে নিজৰ পত্ৰত উপসভাপতি হৰিবংশ নাৰায়ণ সিঙক সংসদৰ সম্মুখত প্ৰতিবাদ কৰা সময়ত তেওঁলোকলৈ আগবঢ়োৱা চাহৰ কাৰণে ধন্যবাদ জ্ঞাপন কৰে ।
আৰু কয় “এনেধৰণৰ নাটকে দেশৰ জনগণক বাৰে বাৰে ঠগিব নোৱাৰি ৷” কে কে ৰাগেশে লগতে হৰিবংশ নাৰায়ণ সিঙক প্ৰশ্ন কৰে “আপুনি প্ৰধানমন্ত্ৰী সুখী কৰিবৰ কাৰণে এনেধৰণৰ পদক্ষেপ লৈছিল নেকি? এইয়া আছিল আচৰিতজনক ৷ কাৰণ আপোনাৰ দৰে এজন ব্যক্তি, যিয়ে সমাজবাদী হোৱাৰ দাবী কৰে ৷ ৰাজনৈতিক স্বাৰ্থক গুৰুত্ব দিবলৈ যাওতে আপুনি প্ৰকৃত ঘটনাক উপেক্ষা কৰিছে ৷”
আনহাতে সংসদত হোৱা ঘটনাক অগণতান্ত্ৰিক বুলি আখ্যা দিছে কে কে ৰাগেশে । উল্লেখযোগ্য যে কৃষি বিধেয়কক লৈ প্ৰতিবাদ কৰা সাংসদসকলক উপসভাপতিয়ে নিজৰ সহকৰ্মী বুলি আখ্যা দিয়ে ৷
কিন্তু ইয়াৰ পাছতে হৰিবংশ নাৰায়ণে ৰাষ্ট্ৰপতি আৰু উপৰাষ্ট্ৰপতিলৈ পত্ৰ লিখি সংসদত বিৰোধীৰ উত্তপ্ত পৰিস্থিতিত দুখ প্ৰকাশ কৰি এদিনৰ কাৰণে উপবাসে থকাৰ কথা উল্লেখ কৰে ৷ উপসভাপতিয়ে লগতে কয় যে সংসদত সাংসদসকলে তেওঁক অপব্যৱহাৰ কৰিছে।