সম্পূৰ্ণ স্বচ্ছ আৰু নিকাভাৱে আৰক্ষী বিভাগৰ উপ পৰিদৰ্শকৰ নিযুক্তি প্ৰক্ৰিয়া সম্পূৰ্ণ কৰাৰ স্বাৰ্থত আজি ৰাজ্যিক পৰ্যায়ৰ আৰক্ষী নিযুক্তি ব’ৰ্ডৰ পুনৰ গঠন কৰিলে মুখ্যমন্ত্ৰী সৰ্বানন্দ সোনোৱালে ৷অৱসৰপ্ৰাপ্ত আই পি এছ বিষয়া প্ৰদীপ কুমাৰৰ পদত্যাগৰ পাছতে মুখ্যমন্ত্ৰী সোনোৱালে এই ব’ৰ্ডৰ অধ্যক্ষ দায়িত্ব আৰক্ষী সঞ্চালক প্ৰধান ভাস্কৰজ্যোতি মহন্তক অৰ্পণ কৰিছে ।
অতিৰিক্ত আৰক্ষী সঞ্চালক প্ৰধান হাৰমিৎ সিঙক সদস্য সচিব,অতিৰিক্ত আৰক্ষী সঞ্চালক প্ৰধান এল আৰ বিষ্ণই আৰু আৰক্ষী মহাপৰিদৰ্শক হীৰেন নাথক এই বৰ্ডৰ সদস্যৰ দায়িত্ব অৰ্পন কৰা হৈছে ।অহা ৬ নৱেম্বৰৰ ভিতৰত আৰক্ষী উপ পৰিদৰ্শকৰ নিযুক্তিৰ পৰীক্ষা সম্পূৰ্ণ কৰিবলৈ মুখ্যমন্ত্ৰীয়ে নতুনকৈ গঠন কৰা ব’ৰ্ডক নিৰ্দেশ দিয়ে ।
সম্পূৰ্ণ স্বচ্ছ আৰু নিকা পদ্ধতিৰে পৰীক্ষা অনুষ্ঠিত কৰাৰ লগতে এই পৰীক্ষাত কোনো যাতে বিসংগতি নহয় সেয়া নিশ্চিত কৰিবলৈও ব’ৰ্ডক মুখ্যমন্ত্ৰী সোণোৱালে নিৰ্দেশ দিছে।
