বিশ্বৰ দীৰ্ঘতম ভৰিৰ গৰাকী মাৰ্কিন যুৱতী

যুৱতী গৰাকীৰ নাম মেকি কাৰিন।বয়স প্ৰায় ১৭ বছৰ ।আমেৰিকাৰ টেক্সাছত বসবাস কৰা মেকিৰ নামত আছে এক বিশ্ব অভিলেখ।ছফুট ১০ ইঞ্চি উচ্চতাৰ মেকিৰ ভৰি দুখনৰ দৈৰ্ঘ্য চাৰে চাৰি ফুটৰো অধিক ।সম্প্রতি বিশ্বৰ সৰ্বাধিক দৈৰ্ঘ্যৰ ভৰি দুখনৰ অধিকাৰী হৈছে এই গাভৰুগৰাকী।

মেকিৰ মুঠ উচ্চতাৰ ভিতৰত ভৰি দুখনেই অধিকাৰ কৰি আছে প্ৰায় ৬০ শতাংশ।গিণিজ বুকৰ তথ্য অনুসৰি মেকিৰ সোঁভৰিখনতকৈ বাওঁ ভৰিখনৰ দৈৰ্ঘ্য ততোধিক।বাওঁভৰি খনৰ দৈৰ্ঘ্য ৫৩. ২৫৫ইঞ্চি। সোঁভৰি খনৰ দৈৰ্ঘ্য ৫২.৮৭৪ইঞ্চি।

নিজৰ ভৰি দুখনক লৈ বহু সময়ত যথেষ্ট অসুবিধাৰো সন্মুখীন হয় মেকিয়ে ।ছ’চিয়েল মিডিয়াত জনপ্ৰিয় হৈ পৰাৰ পাছত এতিয়া ‘মডেলিঙ’ ৰ বাবে প্ৰস্তুত কৰি তুলিছে নিজকে ।বিশ্বৰ দীৰ্ঘতম মডেল হিচাপে নিজৰ নামতে এই অভিলেখ ৰাখিব বিচাৰে মেকিয়ে ।