ভাৰতীয় সংবাদ মাধ্যমৰ স’তে হােৱা এক সাক্ষাৎকাৰত পাকিস্তান প্রধানমন্ত্রী ইমৰান খানৰ নিৰাপত্তা বিষয়ক উপদেষ্টা মইদ ইউছুফে দাবী কৰি কৈছিল যে নতুন দিল্লীয়ে পুনৰ আলােচনাত অংশ ল’বলৈ ইচ্ছা প্রকাশ কৰিছে । পাকিস্তানী উপদেষ্টাজনৰ এই দাবী সম্পূর্ণ ভিত্তিহীন বুলি স্পষ্টীকৰণ দিলে ভাৰতে । ৰাষ্ট্ৰীয় সংবাদপত্র ‘হিন্দুস্তান টাইমছ’ৰ এক বাতৰিত ভাৰতৰ বৈদেশিক বিভাগৰ সূত্ৰই প্ৰকাশ কৰা মতে, পাকিস্তানে আলােচনাৰ বাবে ভাৰতে আগ্রহ প্রকাশ কৰা বুলি যি বাতৰি প্ৰচাৰ কৰিছে সেয়া সম্পূর্ণ ভিত্তিহীন ।
ভাৰতে লগতে কয় যে পাকিস্তানে আলােচনা বিচাৰিলে প্রথমে সন্ত্রাস আৰু হিংসা দমনৰ পদক্ষেপ গ্রহণ কৰিব লাগিব । যিদৰে সীমান্ত অঞ্চলত পাকিস্তানে সন্ত্রাসবাদীক পৃষ্ঠপােষকতা প্ৰদান কৰি আহিছে সেয়া বন্ধ নকৰিলে দেশখনৰ স’তে আলােচনাৰ প্রশ্ন উত্থাপিত নহয় বুলি ভাৰতে স্পষ্ট কৰি দিয়ে । পাকিস্তানে আচৰণ সলনি নকৰিলে আলােচনাৰ প্রশ্নই নাহে । পাক সমর্থিত সন্ত্রাস হৈছে সবাতােকৈ গুৰুত্বপূৰ্ণ ইচ্ছা আৰু এই কার্য দেশখনে বন্ধ নকৰিলে আলােচনা কৰি একো লাভ নহ’ব ভাৰতে এইদৰে কয় ।