আজি জনতা ভৱনত মন্ত্ৰী ড° হিমন্ত বিশ্ব শৰ্মাৰ সংবাদ মেলৰ আয়োজন কৰে ৷কৰ’নাৰ লগতে আগন্তুক দুৰ্গা পূজা আৰু কৰ’নাৰ পৰিপ্ৰেক্ষিতত বন্ধ হৈ থকা বিদ্যালয় আৰু মহাবিদ্যালয়সমূহ পুনৰ খোলাৰ সন্দৰ্ভত সংবাদমেলত মন্তব্য কৰে মন্ত্ৰী ড° হিমন্ত বিশ্ব শৰ্মাই ৷
সমাগত দুৰ্গাপূজা ৷গতিকে পূজাত পূজা কমিটিৰ লগতে পূজাৰীসকলৰ ক’ভিড টেষ্ট কৰাটো হ’ব বাধ্যতামূলক ৷
১০ বজাত মণ্ডপ বন্ধ হ’লেও পূজা চলাই থাকিব পাৰিব ৷
অসমবাসীক দুৰ্গাপূজা অতি সাৱধানেৰে পালন কৰিবলৈ আহ্বান মন্ত্ৰী ড° শৰ্মাৰ ৷
ইপিনে ২নবেম্বৰৰ পৰা কাৰিকৰী প্ৰতিষ্ঠান আৰু অভিযান্ত্ৰিক মহাবিদ্যালয়সমূহ খোলা হ’ব। কিন্তু হোষ্টেলসমূহ বন্ধ থাকিব ৷আনহাতে অনলাইন ক্লাচ বাহাল থাকিব।
ক্লাচ ৰূমত ২০-২৫ জন ছাত্ৰ ছাত্ৰী থাকিব পাৰিব ৷অৱশ্যে সেয়া নিৰ্ভৰ কৰিব ক্লাচৰূমত পৰিসীমাৰ ওপৰত ৷
আনহাতে ২নবেম্বৰৰ পৰা ৰাজ্যৰ মহাবিদ্যালয়ত হ’ব পাঠদান। প্ৰথম ষান্মাষিকৰ ক্লাছ হ’ব সোমবাৰ আৰু বৃহস্পতিবাৰে আৰু তৃতীয় ষান্মাষিকৰ ক্লাচ হ’ব মংগল ,বুধ আৰু শুক্ৰবাৰে ৷
বিদ্যালয়সমূহৰ ক্ষেত্ৰত পঞ্চম শ্ৰেণীলৈকে পাঠদান বন্ধ থাকিব ৷অৱশ্যে গাঁৱৰ বিদ্যালয়ত ছাত্ৰ ছাত্ৰীসকল পাঠদান সম্পৰ্কীয় প্ৰশ্ন থাকিলে বিদ্যালয়লৈ যাব পাৰিব।
ষষ্ঠ শ্ৰেণীৰ পৰা পাঠদান হ’ব ।সকলো বিদ্যালয়ত এটা পাঠদান হ’ব পুৱা ৮-৩০ ৰ পৰা ১২.৩০ লৈ আৰু আন এটা পাঠদান হ’ব ১.৩০ ৰ পৰা ৪.৩০ লৈ।
প্ৰথম ১৫দিন হ’ব অৰিয়েণ্টেশ্যন ক্লাচ ।ইয়াৰ পাছতহে নিয়মীয়াকৈ ক্লাচ আৰম্ভ হ’ব ।
পাঠ্যক্ৰমৰ বোজা হ্ৰাস পাব হ’ব ৷কেৱল অষ্টম,দশম আৰু দ্বাদশ শ্ৰেণীৰহে পৰীক্ষা হ’ব ।আন শ্ৰেণীসমূহত এইবাৰ পৰীক্ষা নহয় ।
বিদ্যালয়,মহাবিদ্যালয়ত সকলো ক’ভিড ১৯ প্ৰট’কল মানি চলিব লাগিব ।আনহাতে ছাত্ৰ ছাত্ৰী,শিক্ষক সকলোৱে মাস্ক পৰিধান কৰাটো বাধ্যতামূলক ৷
