অবৈধ ভাৱে ভাৰতত প্ৰৱেশ কৰা ৪২ জনকৈ বাংলাদেশী নাগৰিকক সুতাৰকান্দি সীমান্তইদি বাংলাদেশলৈ উভতাই পঠোৱা হয় । বাংলাদেশত পঠিওৱা অধিকাংশ লোক বাংগালুৰুত কাম কৰিবলৈ যোৱাৰ সময়তে ২৯ জনক পল্টনবজাৰ ৰেল আৰক্ষীয়ে গ্ৰেপ্তাৰ কৰিবলৈ সক্ষম হয় ।
আনহাতে, আন কেইজন কৰিমগঞ্জ, শোণিতপুৰ, শালমাৰা, গোৱালপাৰা, গুৱাহাটী, শিলচৰৰ কাৰাগাৰত বন্দী হৈ আছিল । বাংলাদেশত পঠিওৱা লোকসকলৰ মাজত আছে কে’বাগৰাকী মহিলাসহ কে’বাটাও শিশু ।
হস্তান্তৰ সন্দৰ্ভত কৰিমগঞ্জৰ আৰক্ষী অধীক্ষক মায়ান কুমাৰে কয় যে, উভতায় পঠিওৱা লোককেইজন ২/৩ বছৰৰ পৰা অসমৰ বিভিন্ন কাৰাগাৰত বন্দী হৈ আছিল আৰু আজি তেঁওলোকক বাংলাদেশলৈ প্ৰেৰণ কৰা হয় ।