বিত্তমন্ত্ৰী নিৰ্মলা সীতাৰমণে বৃহস্পতিবাৰে আৰ্থিক অৱস্থা সবল কৰিবৰ কাৰণে আৰ্থিক পেকেজ “আত্মনিৰ্ভৰ ভাৰত ৩.০ “শুভাৰম্ভ কৰে ৷ ইয়াৰ দ্বাৰা ক’ভিডসৃষ্ট পৰিবেশত নতুন নিযুক্তি আৰম্ভ হ’ব। লগতে EPF ত ৰেজিষ্টাৰ কোম্পানীত ১৫০০০ হাজাৰতকৈ সীমিত দৰমহা লাভ কৰা লোকসকলেও ইয়াৰ দ্বাৰা উপকৃত হ’ব পাৰিব ৷
আত্মনিৰ্ভৰ ভাৰত ৩.০ৰ আৰ্থিক পেকেজৰ দ্বাৰা লোকসকল লাভাম্বিত হ’ব অহা ১অক্টোবৰৰ পৰা ৷
বিত্তমন্ত্ৰীয়ে সীতাৰমনে কয়” প্ৰথম অৱস্থাত Emergency Credit Line Guarantee Scheme (ECLGS1.0)ক ২০২১ৰ ৩১ মাৰ্চলৈকে বৃদ্ধি কৰি দিছে ৷ এই আঁচনি যথেষ্ট সুৰক্ষিত ।
এই পেকেজৰ দ্বাৰা প্ৰধানমন্ত্ৰী আবাস যোজনাৰ অন্তৰ্গতত ১৮,০০০ কোটি টকা ব্যয় আৰু ১৮ লাখ বাসগৃহক সম্পূৰ্ণ কৰাৰ আঁচনি লৈছে ।
বিত্তমন্ত্ৰীয়ে কয় যে বিগত ১৫-১৬ দিনত আৰ্থিক ক্ষেত্ৰৰ উত্তৰণ হোৱাৰ বহু ইংগিত পোৱা গৈছে। আনহাতে ক’ভিড১৯ ত আক্ৰান্তৰ ক্ষেত্ৰতো বহু পৰিৱৰ্তন আহিছে ৷
কৰ’নাৰ মহামাৰীয়ে আৰ্থিক অৱস্থাক শোচনীয়ভাৱে ক্ৰিয়া কৰাৰ সময়তে চৰকাৰে বহু আঁচনি আৰম্ভ কৰিছে। যাতে বজাৰ ,উপভোক্তাৰ ওচৰত টকা থাকে আৰু আৰ্থিক অৱস্থাই নতুন গতি লাভ কৰে।