উচ্চতম ন্যায়ালয়ৰ ৰায় দানৰ ভিত্তিত নৱ ৰূপত সজাই তোলা হৈছে ‘ৰাম জন্মভূমি’ অযোধ্যাক । কৰ’না অতিমাৰীৰ সময়তে ৰাম মন্দিৰৰ আধাৰশিলা স্থাপন কৰা হ’ল । এতিয়া মছজিদৰ ‘নক্সা’ প্ৰকাশ কৰা হ’ল আৰু ইয়াৰ পাছতেই প্ৰস্তাৱিত মাল্টি স্পেচিয়েলিটি চিকিৎসালয় প্ৰস্তুত কৰাৰো নক্সা প্ৰস্তুত কৰা হৈছে ।
বিগত বৰ্ষত অযোধ্যাৰ সমস্যা সমাধানত যায় দান কৰে উচ্চতম ন্যায়ালয়ে । অযোধ্যাত ৰাম মন্দিৰ নিৰ্মাণৰ অনুমতি দিয়াৰ লগতে মছজিদ নিৰ্মাণৰ বাবে ভূমি প্ৰদানৰো ব্যৱস্থা কৰে ।
শনিবাৰে মছজিদ নিৰ্মাণৰ দায়িত্বত থকা ছুন্নি ৱাকফ ব’ৰ্ড দ্বাৰা গঠিত ইন্দো-ইছলামিক কালচাৰেল ফাউণ্ডেছন (আইআইইছিএফ)এই মছজিদ নিৰ্মাণৰ নক্সা প্ৰকাশ কৰে । ঐতিহাসিক নিয়ম মতেই মছজিদৰ ওপৰত বিশাল গম্বুজ থাকিলেও, আদিৰ পৰা অন্ত লৈকে পাশ্চাত্য স্থাপত্যবিদ্যাৰ অনুসৰিয়ে নিৰ্মাণ কৰা হৈছে । মছজিদৰ মূল ভৱনটো আধুনিকতাৰ আভাস পোৱা যায় । মছজিদৰ চৌহদত পাৰ্কিংৰ ব্যৱস্থাও কৰা হ’ব ।
Today at the Press Conference of Trust members and Architect Prof S M Akhtar, the design of the Mosque and Hospital was unveiled. @athardesi @FaruqiZufar #ayodhyamosque pic.twitter.com/Iy4vn6SLVI
— INDO-ISLAMIC CULTURAL FOUNDATION (@IndoIslamicCF) December 19, 2020
कुछ इस तरह नजर आएगी अयोध्या मस्जिद। @IndoIslamicCF ने जारी किया मस्जिद व हॉस्पिटल का डिजाइन pic.twitter.com/wNJyYaoA19
— Shobhit Srivastava (@shobhitlko26) December 19, 2020
মছজিদ প্ৰকল্পৰ দায়িত্বত থকা মুখ্য স্থাপত্যবিদ এছ এম আখটাৰে কয়, ‘চিকিৎসালয়ত তিনিশ বিছনাৰ ব্যৱস্থা থাকিব । বিশেষজ্ঞ চিকিৎসকসকল ইয়াত উপস্থিত থাকিব । মছজিদত সমান্তৰালকৈ নামাজ পঢ়িব পৰা যাব । মছজিদটো সৌৰশক্তিৰ সহায়ত চালিত হ’ব । মছজিদৰ ভিতৰৰ তাপমাত্ৰা বৃদ্ধি আৰু কম কৰাৰো ব্যৱস্থা থাকিব ।’
https://twitter.com/banarasivikas/status/1340303656235614209?s=20
ইয়াৰ বাহিৰেও মছজিদৰ বাবে প্ৰদান কৰা পাঁচ একৰ ভূমিত সামূহিক ৰান্ধনীশাল আৰু গ্ৰন্থাগাৰ নিৰ্মাণ কৰা হ’ব বুলিও কয় তেওঁ ।
আগন্তুক বৰ্ষৰ ২৬ জানুৱাৰীত প্ৰস্তাৱিত মছজিদৰ আধাৰশিলা স্থাপন কৰা হ’ব বুলি জনায় আখটাৰে । তেওঁ কয় যে, সাত দশক পূৰ্বে সেই দিনটোতে ভাৰতৰ সংবিধান কাৰ্যকৰী হৈছিল । সেয়েহে সেই দিনাই মছজিদৰ আধাৰশিলা স্থাপন কৰা হ’ব । চিকিৎসালয় নিৰ্মাণ কাৰ্য দ্বিতীয় পৰ্যায়ত আৰম্ভ হ’ব ।
